Aizawl | Feb 7, 2026: Manipur Group YMA ten Ni 06.02.2026 (Zirtawpni) zan khan Inkhawmpui vawi 41-na tawp zan, Lamka Branch YMA Hall, Hmuia Veng-ah an hmang a. A tawp zanah hian Central YMA President R Lalngheta'n thu a sawi.
R Lalngheta chuan thu sawiin, Mizo te hi hnam tlem te kan ni a, YMA chuan he hnam tlemte hi pumkhat a awm hi kan duh ber a ni. Inpumkhatna tur chuan nang leh kei hi kan pawimawh a, chibing te te a in la hrang lovin hmun khat a awm turin ka sawm duh che u a ni. Mizo ah hian hnam hrang hrang kan awm a, i inpumkhat ang u, unau kan ni a, i in do lo ang u a ti. Mizo hnam peng hrang hrangten kan tawng theuh te humhalh ila, chutihrualin kan inbiak pawhna tawng tlang lawn erawh kan thiam tlan a tul a ti bawk.
Ruihhlo do chungchangah kan tanrual a ngai a, ti hne hne lovin huai taka do turin YMA memberte a sawm bawk.
Manipur Group YMA Inkhawmpui hman pui Turin hian Central YMA President R Lalngheta leh General Secretary Prof Malsawmliana hovin CEC member 20 an kal a, Tuiphal Group YMA te an kal bawk.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: