Aizawl | Jan 19, 2025: ZPM chhung inkhawm vawiin chawhma-a neihah Adviser to Chief Minister (Finance & Planning) TBC Lalvenchhunga, MLA chuan thu sawiin, tukin Vanglaini chanchinbua senior journalist Pu HC Vanlalruata thu ziah, 'Lengpui Ram IAF Hnena Hralh' a lo lang zangnadawmna cheng vaibelchhe 187.90 dawn chungchang chu sorkar hmasa lam huna tihfel vek a nih thu a sawi. IAF ram lei leh hralh hi Lengpui ram chauh ni lovin Sihphir ram acre 5 a tel tih a sawi bawk.
.jpg)
"He thil hi kan sorkar hma thil a ni a, Assembly House leh Ignite Studio-a party tin te sawihonaah ka sawi chhuak tawh bawk. Sorkar hmasa huna teh fel leh tih fel vek tawh a ni," Adviser to Chief Minister chuan a ti a. Tun sorkar hunah zangnadawmna pawisa hi sorkar laipui lam atangin a lo thleng a, pek a ni ta a ni.
TBC Lalvenchhunga chuan sorkar hnen thleng loa ram hralh theihna DC 'level'-a a zo vek thei chu mak a tih thu a sawi a, "Ram hi 'direct'-in an lei a, sorkar thleng loa DC 'level'-ah a zo vek mai a, tun IAF ram leiah pawh hian DC 'level'-ah a tawp vek. 'Direct purchase' a ni a, DC hian Collector an nih avanga 'final' mai an ni a, cheng vaibelchhe 187.90 khan an hralh thei tlat a ni," tiin ram hralh leh zangnadawmna chungchang a sawi.
January ni 16, 2026-a Congress MLA Pu C. Ngunlianchunga'n an party office-a Chief Minister Pu Lalduhoma'n leiba chungchangah sum dinhmun hre lo anga a sawi chu eptu MLA hian a hriat loh vang zawk a nih thu Pu TBC Lalvenchhunga hian a sawi a. "Sorkar babua ziak si loh, leiba ni si hi a awm a, chu chu Committed Liabilities an ti a. Hei hi works department ten an nei deuh bik a, PWD, PHE leh P&E ten department thuneihna china pawisa an lo hman kha a ni. Hemi ba rulh hi a nia kan Chief Minister-in a sawi kha. Nikum khan Committed Liabilities, sorkar babua ziak loh department te lo hman, P&E bikah cheng nuai 6300 chuang kan rul a ni. Tunah pawh hian sorkar babua lang lo, department thuneihnaa lo bat rulh kan la ngaih chu PWD cheng nuai 580 chuang, P&E rulh bang cheng nuai 1200 chuang, PHE cheng nuai 5800 leh tlem te a ni. Heng te hi kum 2017 te, 2018 te atanga leiba awm sa a ni," tiin Pu TBC Lalvenchhunga chuan a sawi.
Adviser to Chief Minister chuan, "Heti a nih avang hian a hmaa EE chinin cheng nuai 100 an khawih theih te, CE cheng nuai 800 chin tih te hi anmahni thua tih ni ngawt tawh lovin, E-in-C in phalna an pe tur a ni, tih a ni tawh. Ni 15 chhungin Finance-ah an hriattir tur a ni tih a ni ta bawk," a ti.
Sorkar hmasawnna leh hnathawh tehna chu Capital Expenditure-ah a lang tih sawiin, Pu TBC Lalvenchhunga chuan, "Hmasawnna tur hnathawh Capital Expenditure-ah hian a lang a, SASCI hnaah nikumah zaa 10 tal hman turah zaa 20 kan hmang phak a, hei vang hian cheng vaibelchhe 200 kan dawn phah a ni," a ti a.
Mamit District chhung Dampa A/C-a Dr. R. Lalthangliana'n zirtirtu 150 dah chhuah chungchang a sawi chu, "Leader of Opposition ni turin Education Minister hlui a bei nge ka ti a, a sawi te kha MNF sorkar lai vek kha a ni si a. Anmahni an inbeiah ka ngai mai," a ti bawk.
Vawiin chhung inkhawm hi Pu Lalchhuanthanga, MLA & Treasurer chuan kaihruaiin; Rev. Dr. R. Lalthanmawia, BCM chuan hunserh a hmang a. MoS Pu Lalnghinglova Hmar, Adviser to CM Pu Lalmuanpuia Punte, MLA & Ṭhalai President Pu Jeje Lalpekhlua leh party mi ṭhahnem tak kan tel a ni.
(ZPM General Headquarters, Aizawl)
PRESS RELEASE
Lengpui ram IAF hnena hralh hi sorkar hmasa huna teh fel leh tih fel vek tawh a ni - TBC Lalvenchhunga, MLA, Adviser to Chief Minister (Finance & Planning)
Dated Aizawl, the 19th January, 2025: Vawiin chawhma ZPM chhung inkhawmah Pu TBC Lalvenchhunga, MLA & Adviser to Chief Minister chuan thu sawiin, tukin Vanglaini chanchinbua senior journalist Pu HC Vanlalruata thu ziah, 'Lengpui Ram IAF Hnena Hralh' a lo lang zangnadawmna cheng vaibelchhe 187.90 dawn chungchang chu sorkar hmasa lam huna tihfel vek a nih thu a sawi. IAF ram lei leh hralh hi Lengpui ram chauh ni lovin Sihphir ram acre 5 a tel tih a sawi bawk.
"He thil hi kan sorkar hma thil a ni a, Assembly House leh Ignite Studio-a party tin te sawihonaah ka sawi chhuak tawh bawk. Sorkar hmasa huna teh fel leh tih fel vek tawh a ni," Adviser to Chief Minister chuan a ti a. Tun sorkar hunah zangnadawmna pawisa hi sorkar laipui lam atangin a lo thleng a, pek a ni ta a ni.
Pu TBC Lalvenchhunga chuan sorkar hnen thleng loa ram hralh theihna DC 'level'-a a zo vek thei chu mak a tih thu a sawi a, "Ram hi 'direct'-in an lei a, sorkar thleng loa DC 'level'-ah a zo vek mai a, tun IAF ram leiah pawh hian DC 'level'-ah a tawp vek. 'Direct purchase' a ni a, DC hian Collector an nih avanga 'final' mai an ni a, cheng vaibelchhe 187.90 khan an hralh thei tlat a ni," tiin ram hralh leh zangnadawmna chungchang a sawi.
January ni 16, 2026-a Congress MLA Pu C. Ngunlianchunga'n an party office-a Chief Minister Pu Lalduhoma'n leiba chungchangah sum dinhmun hre lo anga a sawi chu eptu MLA hian a hriat loh vang zawk a nih thu Pu TBC Lalvenchhunga hian a sawi a. "Sorkar babua ziak si loh, leiba ni si hi a awm a, chu chu Committed Liabilities an ti a. Hei hi works department ten an nei deuh bik a, PWD, PHE leh P&E ten department thuneihna china pawisa an lo hman kha a ni. Hemi ba rulh hi a nia kan Chief Minister-in a sawi kha. Nikum khan Committed Liabilities, sorkar babua ziak loh department te lo hman, P&E bikah cheng nuai 6300 chuang kan rul a ni. Tunah pawh hian sorkar babua lang lo, department thuneihnaa lo bat rulh kan la ngaih chu PWD cheng nuai 580 chuang, P&E rulh bang cheng nuai 1200 chuang, PHE cheng nuai 5800 leh tlem te a ni. Heng te hi kum 2017 te, 2018 te atanga leiba awm sa a ni," tiin Pu TBC Lalvenchhunga chuan a sawi.
Adviser to Chief Minister chuan, "Heti a nih avang hian a hmaa EE chinin cheng nuai 100 an khawih theih te, CE cheng nuai 800 chin tih te hi anmahni thua tih ni ngawt tawh lovin, E-in-C in phalna an pe tur a ni, tih a ni tawh. Ni 15 chhungin Finance-ah an hriattir tur a ni tih a ni ta bawk," a ti.
Sorkar hmasawnna leh hnathawh tehna chu Capital Expenditure-ah a lang tih sawiin, Pu TBC Lalvenchhunga chuan, "Hmasawnna tur hnathawh Capital Expenditure-ah hian a lang a, SASCI hnaah nikumah zaa 10 tal hman turah zaa 20 kan hmang phak a, hei vang hian cheng vaibelchhe 200 kan dawn phah a ni," a ti a.
Mamit District chhung Dampa A/C-a Dr. R. Lalthangliana'n zirtirtu 150 dah chhuah chungchang a sawi chu, "Leader of Opposition ni turin Education Minister hlui a bei nge ka ti a, a sawi te kha MNF sorkar lai vek kha a ni si a. Anmahni an inbeiah ka ngai mai," a ti bawk.
Vawiin chhung inkhawm hi Pu Lalchhuanthanga, MLA & Treasurer chuan kaihruaiin; Rev. Dr. R. Lalthanmawia, BCM chuan hunserh a hmang a. MoS Pu Lalnghinglova Hmar, Adviser to CM Pu Lalmuanpuia Punte, MLA & Ṭhalai President Pu Jeje Lalpekhlua leh party mi ṭhahnem tak kan tel a ni.
Sd/-
(ZOHMINGTHANGA TLAU)
Jt. Secretary
Media & Publicity Deptt.
ZPM Gen. Hqrs., Aizawl
PR No.ZPM 02/02A/2026/5
Dated 19th January, 2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: