LADC CEM C Lalsawmzuala'n thlawptu a ngah leh ngah loh fiahna paltlang

Aizawl | Jan 29, 2026: Lai Autonomous District Council (LADC) Chief Executive Member (CEM) C Lalsawmzuala'n Tukin chawhma dar 10 leh a chanve khan thlawptu a ngah leh ngah loh fiahna a paltlang.

LADC a sorkarna (executive committee) dinna tura pawimawh, larsap hnena sorkarna siam thei a insawi United Legislature Party (ULP) hruaitu Pu C. Lalsawmzuala'n LADC-a MDC 25-te zingah thlawptu 13 aia tlem lo thlawptu a neih leh neih loh fiahna-ah hian ban phar a ni a. Pawmtu MDC 15 an ni a, a duh lo lama phar MDC 9 an ni thung. CEM hian a thawhpui tur thenkhatte hming a puang tawh a. Deputy CEM atan Sanghuliana Mualchin bakah Executive Member (EM) atan Pu Lalzahawma Chinzah, HC Lalengkima leh H Vanlaltanpuia te an nih tur thu a puan bakah LADC sorkar fuke kim na'n chanvo neitur dang chu remchang dangah la siamfel a nih tur thu a sawi bawk a ni.

Puan tawh angin larsap Gen. VK Singh duh dan angin District Council & Minority Affairs department chuan Pathianni khan MNF leh Congress MDC-te’n an din ULP hruaitu C Lalsawmzuala chu CEM atan a ruat a. Thawhlehni khan Lawngtlai district bawrhsap chuan thutiam tirin CEM atan a la lut a. Larsap duhdan angin vawiinah MDC thlawptu a neih ngah tawk leh tawk loh hi fiah a ni ta a ni.

- AIR