Aizawl | Jan 28, 2026: Union Home Secretary hovin Central YMA hruaitute thukhawm a, Central YMA-in MHA hmaah ramri hung hian Zofate inunauna a tihchhiat theih dawn avanga hung rih loh an duh thu an sawi!
Nimin tlai dar 4:00 khan Ministry of Home Affairs ( MHA) Office, Kartavya Bhavan, New Delhi ah Union Home Secretary hovin MHA Official te leh Central YMA hruaitute an thukhawm a.
Meeting a tel tur hian MHA hian Central YMA hruaitute ( Office Bearer) 4 an sawm a, President R Lalngheta hovin Vice President Prof Lalnuntluanga, General Secretary Prof Malsawmliana leh Treasurer Er H Duhkima te an kal.
Union Home Secretary hova meeting-ah hian MHA Official hrang hrang bakah IB hotute, Assam Rifles hotute leh BSF hotute an tel a; Mizoram Chief Secretary Khilli Ram Meena a tel bawk.
Meeting-ah hian, nikum March 15, 2025 a Union Home Minister-in Mizoram a rawn tlawh tum a Central YMA leh NGO pawl dang ten an thu thlen bawhzui a nih dan hrang hrang te sawi lan a ni a. Chung zingah chuan - ruihhlo dona atana Central YMA hnena NCB kaltlanga motor leina tur sum Rs. 88,95,675/- ruahman a nih tawh dan te, ruihhlo dona kawnga inzirtirna lama hmalakna tur Rs.2.3cr ruahman a nih tawh thu te; Thingsulthliah rama YMA Conference Centre sakna tura Rs.99.7cr dah a nih tawh thu te, 8th schedule a Mizo tawng dah a nih theihna tura ngenna chu diltu 150 - 200 vel an awm avanga Committee dinin an ngaihtuah tur thu te sawi lan a ni a. Heng bakah hian Mizo thalaite tana Civil Service Coaching Centre buatsaih chhoh mek a nih thu leh AAI kuta Lengpui Airport hlan chungchanga thil awm dan te sawi a ni bawk.
Meeting ah hian Indo - Myanmar Border Fencing chungchanga YMA ngaihdan zawh an nih angin YMA hruaitute chuan, NGOCC thu ding lai angin ramri hung hian Zofate inunauna a tihchhiat theih dawn avanga hung rih loh an duh thu leh, Mizoram State Assembly pawhin Resolution a lo Pass tawh a nih thu te; Indo- Bangladesh ramri hungah Mizoramin nasa taka ram a chan dan leh khaw eng emaw zat hung pawna a awm dan te sawi lan a ni bawk.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Indo- Myanmar ramri hung turah hian Survey neih mek a nih rualin ramri a cheng mipuiten ramri hungin a ken tel tur an hriat loh thu leh eng angin nge a nghawng dawn tih inhrilhfiahna a awm loh thu Central YMA hruaitute hian an sawi bawk.
Tunah hian Indo- Myanmar Border Fencing atan BRO in Survey an nei mek a ni.
Post a Comment
He post chungchanga i ngaihdan lo sawi ve rawh: