“Awihawm lo khawpa makin Pathianin min hruai a, min hruai zel dawn a ni,” ~ MNF President

Aizawl | Jan 12, 2026: MNF chuan vawiin khan kumin atana Hnam Run hawnna prpgramme leh mi thar lawmluhna hun an hmang a, MNF President Zoramthanga  chuan thusawiin, "Pathianin MNF min hruai dan hi a mak hle a, underground hun aṭanga overground hnuah pawh ral vek theihna aṭangin min chhanchhuak ṭhin. Awihawm lo khawpa makin Pathianin min hruai a, min hruai zel dawn a ni. Manganna hrang hrang kara kum 64 MNF min hruai tawhtu Pathian hian MNF hi kawng laklawhah min kalsan lovang. Pathian vuan tlat ila, Amah i innghat tlat ang," a ti.

Zoramthanga chuan, "India ram leh Mizoramah pawh Party tam tak an ral tawh laiin MNF chu Mizoramah pawh party ruhrel lian ber kan ni mek a. 'Pathian leh kan ram tan' tia kan din tlatna chu kan felnaah Pathianin a ruat a. In thlaphan dawn apiangin Pathian kan innghahna a ni tih hrereng turin MNF mipuite ka chah duh a ni," a ti bawk. 

MNF President chuan, "Pathian leh kan ram tan, kan tih hi thiltihin a zui tur a ni a. Isua-in vana a lawn dawna a thusawi 'kal ula thilsiam zawng zawng hnenah chanchin ṭha hril rawh u' tih hi MNF-in kan tum ber a ni. Krista chanchin ṭha hril tura Mizoram mipuite buatsaih hi MNF party innghahna leh thil tum pawimawh ber a ni," a ti.

He hunah hian Varthannguri Sailo, Chawlhhmun leh Lalrinsanga, Maubawk te MNF President hian MNF-ah a lawmlut bawk a ni. 

Hnam Run hawnna inkhawm hi Vice President Vanlalzawma'n a kaihruai a. Rev Dr Vanlalbela'n hunserh a hmang a. Kumthar atana Pathian hruaina dila ṭawngṭai rualna hun hman niin, Martar-te sunna hun hman a ni bawk a ni.    

Mizo National Front

General Headquarters

Mizoram : Aizawl

Press Release

KUM 2026 ATANA HNAM RUN HAWNNA HUN HMAN A NI

Vawiin hian kum 2026 atana Hnam Run hawnna prpgramme leh mi thar lawmluhna hun hman a ni a. He hunah hian Pu Zoramthanga President chuan thusawiin, "Pathianin MNF min hruai dan hi a mak hle a, underground hun aṭanga overground hnuah pawh ral vek theihna aṭangin min chhanchhuak ṭhin. Awihawm lo khawpa makin Pathianin min hruai a, min hruai zel dawn a ni. Manganna hrang hrang kara kum 64 MNF min hruai tawhtu Pathian hian MNF hi kawng laklawhah min kalsan lovang. Pathian vuan tlat ila, Amah i innghat tlat ang," a ti.

Pu Zoramthanga chuan, "India ram leh Mizoramah pawh Party tam tak an ral tawh laiin MNF chu Mizoramah pawh party ruhrel lian ber kan ni mek a. 'Pathian leh kan ram tan' tia kan din tlatna chu kan felnaah Pathianin a ruat a. In thlaphan dawn apiangin Pathian kan innghahna a ni tih hrereng turin MNF mipuite ka chah duh a ni," a ti bawk. 

MNF President chuan, "Pathian leh kan ram tan, kan tih hi thiltihin a zui tur a ni a. Isua-in vana a lawn dawna a thusawi 'kal ula thilsiam zawng zawng hnenah chanchin ṭha hril rawh u' tih hi MNF-in kan tum ber a ni. Krista chanchin ṭha hril tura Mizoram mipuite buatsaih hi MNF party innghahna leh thil tum pawimawh ber a ni," a ti.

He hunah hian Pi Varthannguri Sailo, Chawlhhmun leh Pu Lalrinsanga, Maubawk te MNF President hian MNF-ah a lawmlut bawk a ni. 

Hnam Run hawnna inkhawm hi Pu Vanlalzawma, Vice President-in a kaihruai a. Rev Dr Vanlalbela'n hunserh a hmang a. Kumthar atana Pathian hruaina dila ṭawngṭai rualna hun hman niin, Martar-te sunna hun hman a ni bawk a ni.    

Sd/-

(LALLENMAWIA JONGTE)

Secretary

Media & Publicity Department

Mizo National Front

Memo No. 416/2026

Dt.12.01.2026