Aizawl | Jan 24, 2025: Indonesia khawpui Jakartaa Jan 24 - 31 chhunga neih tur leh neih mek, Asian 10 Ball Pool Championship 2026 khel turin Lalrina Renthlei a kal.
He championship khel tur hian India atangin National Pool Champion lai Shivam Arora, World 6 red Snooker Champion ni lai mek Kamal Chawla leh Lalrina Renthlei te an kal a ni.
Shivam Arora leh Kamal Chawla hi Heyball World Cup, Australia an khelh zawhna atangin Lalrina nen Jakarta-ah hi an inhmu ang.
Asian 10 Ball Pool Championship 2026 stage 1 hi vawiin atanga tan niin, stage 2 hi Jan 27 atangin an khel tan ang.
Lalrina Renthlei leh Shivam Arora te hi Stage 2 (main draw) ah seeded 2 leh 1 an nih avangin an lut tlang anga, an thianpa Kamal Chawla hian stage 1 qualifying a khel ang.
Stage 2 ah hian player 48 an awm sa a, stage 1 atangin player tha tam tak atang mi 16 an qualify ang a, Asia khawmualpuia ram 18 atanga player tha rual 64 ten Asia 10 ball champion ni h ngei tumin an inel dawn a ni.
He championship-ah hian World Champion, US open Champion, International open champion, Asia Champion tawh te an awm nuk a. Carlo Biado, Johann Chua, Aloysius Yapp, Jeff De Luna, Naoyuki Oi, Robbie Capito leh tunlai lar em em AJ Manas te pawh an tel dawn a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: