Aizawl | Dec 20, 2025: R Dengthuama Indoor Stadium, Aizawlah vawiin khan 23rd Northeast Chess Championship, 2025 kharna hun hman a ni a, Forest Minister Lalthansanga'n Khuallian niin a hmanpui.
.jpg)
Lalthansanga (chatea) chuan, "All India Chess Federation, ten 23rd Northeast Chess Championship 2025 closing function-a khualliana min sawm hi a hlu ka ti hle a ni. Mizoram Chess Association-in he Championship hlawhtling taka Aizawla a thleng thei hi lawmawm ka ti a, a huaihawttute thawhrim rah pawh a ni ang. Championship-ah hian India hmarchhak aṭangin chess khelmi 281 lai an tel thei a, hei hian hmarchhaka Chess ngaihhlut a nihzia a tarlan bakah kan inunauna a tilang a ni."
Chatea chuan, "Tunah hian chiang taka lo lang ta chu Mizoram hian infiamna inkhawm lian tham hnehsawh tak leh a rawn tel te nuam tih takin a thleng thei tih a tichiang a ni," a ti.
"Chess hi infiamna mai piah lam thil a ni a - inthununna, dawhtheihna leh ngaihtuahna fim tak siamtu a ni a. Ṭhalai ṭhahnem tak phur tak taka an tel tih ka hmuh hian ka phur hle bawk. Lawmman latu leh hnehna changtute zawng zawng ka lawmpui a. Chess kheltute nasa taka bei chhunzawm zêl turin ka fuih che u."
"Hmarchhak hian theihna tam tak kan nei a, chess-ah hian kan nakin hun tur hi a êng a ni. Vawiina hnehna chang zo lo te tan pawh in inkhelh apiang kha zirlai thar a ni a, beidawng ng lova tan la sauh sauh turin ka fuih duh che u a ni" a ti bawk.
Forest Minister chuan, "He hun huaihawttu leh official te championship khelh chhung zawnga dik taka thiltih a nih avangin in chungah lawmthu ka sawi a. Mizoram sorkar hi sports chawisâng turin a intiamkam tawh a, hetiang lama mibikte a thlâwp tlat dawn che u a ni," a ti a.
"Mizoram Chess Association leh he championship-a tel zawng zawng te ka lawmpui che u a. Him dam takin in haw kawng te tluang se, hlawhtlinna tam zawk hmu zel turin duhsakna ka hlan a che u a ni," Khuallian chuan a ti.
He hun hi Er Lalchhuana, President MCA chusn a kaihruai a, Lalruatfeli Hlondo chu host niin Anupam Bhattacharjee, IA, Chief Arbiter chuan technical report a pe bawk.
23rd North Eastern States Chess Championship 2025 Aizawlah hian India hmarchhak state 8 atanga tel an tam ber ṭum niin player 281 an tel a. Mizoram atangin 103, Assam (51) leh Sikkim (51), Arunachal Pradesh (13), Manipur (7), Meghalaya (29), Nagaland (16), leh Tripura (8) te an ni.
Championship Under-13, Under-15, Under-11 bakah senior section siam a ni. Hmeichhia 24 an tel a, Championship-ah hian plaer leh ṭawiawmtu Mizoram pawn aṭanga lo kal zat hi 291 lâi an tling a, Assam leh Sikkim an ṭhahnem ber a, Meghalaya, Nagaland, Tripura, Arunachal Pradesh, leh Manipur ten an hnung an zui a ni.
PU LALTHANSANGA, MINISTER EF&CC DEPARTMENT ETC. IN 23rd NORTHEAST CHESS CHAMPIONSHIP, 2025 KHARNA HUN A HMANPUI
Aizawl dated 20th December, 2025: Vawiin ni 20 December, 2025 (Inrinni) hian R Dengthuama Indoor Stadium, Aizawlah 23rd Northeast Chess Championship, 2025 kharna hun hman a ni a, Pu Lalthansanga, Minister EF&CC Department etc. chuan Khuallian niin a hmanpui.
Pu Lalthansanga chuan, "All India Chess Federation, ten 23rd Northeast Chess Championship 2025 closing function-a khualliana min sawm hi a hlu ka ti hle a ni. Mizoram Chess Association-in he Championship hlawhtling taka Aizawla a thleng thei hi lawmawm ka ti a, a huaihawttute thawhrim rah pawh a ni ang. Championship-ah hian India hmarchhak aṭangin chess khelmi 281 lai an tel thei a, hei hian hmarchhaka Chess ngaihhlut a nihzia a tarlan bakah kan inunauna a tilang a ni."
"Tunah hian chiang taka lo lang ta chu Mizoram hian infiamna inkhawm lian tham hnehsawh tak leh a rawn tel te nuam tih takin a thleng thei tih a tichiang a ni," a ti.
"Chess hi infiamna mai piah lam thil a ni a - inthununna, dawhtheihna leh ngaihtuahna fim tak siamtu a ni a. Ṭhalai ṭhahnem tak phur tak taka an tel tih ka hmuh hian ka phur hle bawk. Lawmman latu leh hnehna changtute zawng zawng ka lawmpui a. Chess kheltute nasa taka bei chhunzawm zêl turin ka fuih che u."
"Hmarchhak hian theihna tam tak kan nei a, chess-ah hian kan nakin hun tur hi a êng a ni. Vawiina hnehna chang zo lo te tan pawh in inkhelh apiang kha zirlai thar a ni a, beidawng ng lova tan la sauh sauh turin ka fuih duh che u a ni" a ti bawk.
Forest Minister chuan, "He hun huaihawttu leh official te championship khelh chhung zawnga dik taka thiltih a nih avangin in chungah lawmthu ka sawi a. Mizoram sorkar hi sports chawisâng turin a intiamkam tawh a, hetiang lama mibikte a thlâwp tlat dawn che u a ni," a ti a.
"Mizoram Chess Association leh he championship-a tel zawng zawng te ka lawmpui che u a. Him dam takin in haw kawng te tluang se, hlawhtlinna tam zawk hmu zel turin duhsakna ka hlan a che u a ni," Khuallian chuan a ti.
He hun hi Er Lalchhuana, President MCA chusn a kaihruai a, Lalruatfeli Hlondo chu host niin Anupam Bhattacharjee, IA, Chief Arbiter chuan technical report a pe bawk.
23rd North Eastern States Chess Championship 2025 Aizawlah hian India hmarchhak state 8 atanga tel an tam ber ṭum niin player 281 an tel a. Mizoram atangin 103, Assam (51) leh Sikkim (51), Arunachal Pradesh (13), Manipur (7), Meghalaya (29), Nagaland (16), leh Tripura (8) te an ni.
Championship Under-13, Under-15, Under-11 bakah senior section siam a ni. Hmeichhia 24 an tel a, Championship-ah hian plaer leh ṭawiawmtu Mizoram pawn aṭanga lo kal zat hi 291 lâi an tling a, Assam leh Sikkim an ṭhahnem ber a, Meghalaya, Nagaland, Tripura, Arunachal Pradesh, leh Manipur ten an hnung an zui a ni.
Issued by
Media & Publicity Department .
ZPM General Headquarters, Aizawl
Issue No. 270 of 2025
Dated 20th December, 2025
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: