Aizawl | Dec 5, 2025: MZI leh LPS Vision tangkawp buatsaih Rimawi Award (Lengzem/Lenglawng) chu zanin- December ni 5, 2025 khan LPS Arena, Falkland, Aizawl-ah sem chhunzawm a ni a, Mizo Folk Artist zinga langsar ber pawl Mabiaki Pachuau-in Folk Artist of the year award a dawng.
Youth Icon 2024 Lalsangliana'n Best Male Artist Award a hum haw a. Youth Icon star J. Lalrosanga'n a hla hit 'Fuh chiang lo maw' chu Song of the year a hum haw phah a. Lilac-i'n a band Lilac & Jacks chu Band of the year a lakpui bawk.
Best Female Artist (Lengzem/Lenglawng) chu Bz-i Tochhawng-in a dawng a. Young Fella hnenah Best Hip hop/R&B Award hlan niin, Saka'n Song writer of the year (Lengzem/Lenglawng) a hum haw thung.
Best New Artist (male) Award chu Mizo Idol 2025 Immanuel Lalremruata'n a hum haw a, Best New Artist (female) chu Mizo Idol 2025 pahnihna Vanlalneihpuii'n a hum haw ve bawk.
Angella & Lesky Hype ten 'Van sangah' tih hla hmangin Best Duo/Group (Lengzem/Lenglawng) an la bawk a ni.
Rimawi Award hi Zofa zawng zawng huap niin, MZI hian vawi 5 an sem chhuahna a ni a. December ni 4, 2025 zan khan Gospel lam Award sem a lo ni tawh a. He Award hi MZI hian zaimite Inpui an nih angin, zaimi pawl dang te pawh huap veka Zofa zawng zawng huapa an buatsaih thin a ni.
Post a Comment
He post chungchanga i ngaihdan lo sawi ve rawh: