LADC-MDC inthlanpui 2025-ah MNF in seat la tam ber, party mala sorkarna siam thei an awm lo!

Lawngtlai | December 9, 2025: LADC-MDC inthlanpui 2025 result chu vawiin khan chhiar a ni a, MNF in seat la tam ber, party mala sorkarna siam thei an awm lo!

C Ngunlianachunga'n certificate a dawng lai

MNF hian seat 8 an la a, a dawttu INC hian seat 7 lain, State-a sorkar lai ZPM-in seat 6 lain, BJP-in seat 2 an la a, Independent a ding mi pahnih an tling bawk a ni.

LADC-ah hian MDC seat 25 a awm a, sorkarna siam turin MDC 13 neih a ngai a, party mala seat 13 nei zo an awm lo vek a, party mala sorkarna siam thei an awm lo a ni.

Congress Ministry-ah Mizoram Ex Minister leh Congress MLA ni lai, LADC CEM lo ni tawh C Ngunlianchunga chu vawiina MDC a tling langsar zinga mi a ni a, MLA ni lai, District council inthlana ding hi hriat tur an la awm lo nia sawi a ni.

12th LADC-MDC inthlanpui 2025- a vote tla te chu tukin zing dar 8:00 AM atang khan Govt. Lawngtlai College Hall- ah chhiar a ni a, chawhnu dar 1:30 PM ah zawh fel a ni.

Vote chhiar nan hian Counting Hall pathum awmin, Counting Hall- 1, (5 Tables), Counting Hall- 2, (8 Tables) leh Counting Hall - 3, (9 Tables) ah te chhiar a ni. 12th LADC- MDC inthlanpui 2025- ah hian MDC bial - 25 ah vote thlak niin, vote - 56, 873 awmah, EVM - a vote tla zawng zawng - 47,769 niin, Postal Ballot-ah vote - 453 a tla bawk a ni.

12th LADC- MDC inthlanpui 2025 - a Elected Member of District Council (MDC) te chu a hnuaiah hian tarlan a ni.

1- Sangau East - BN Thangpuia (BJP)

2-Sangau South- JB Vanhoy ( MNF)

3-Sangau West- Lalchhuangliana (BJP)

4-Cheural- T Lalchhuanvawra (ZPM)

5-Lungtian- Sanghuliana Mualchin ( MNF)

6-Lunhpher South- C Lalmuanthanga (INC)

7-Vawmbuk- T Zakunga (ZPM)

8-Bualpui 'Ng' West- Lalzahawma Chinzah (MNF)

9-Bualpui 'Ng' East- Dr K Lalchhuanpuia ( ZPM)

10-Lawngtlai Bazar- Lalropuia Chinzah ( MNF)

11-Lawngtlai Vengpui- C Ngunlianchunga (INC)

12-Lawngtlai Chandmary- C Lalsawmzuala (MNF)

13-Lawngtlai Council Veng- Lallura Chinzah ( ZPM)

14-Lawngtlai College Veng- C Hrangthianga (MNF)

15-Lawngtlai-III- MC. Lalbiakliana (MNF)

16-Lawngtlai A.O.C- LR Dingliana Chinzah (ZPM)

17-Paithar-V Zirsanga (IND)

18-Diltlang 'S'- HC Lalthawmliana (MNF)

19-Chawngte 'P'- HC Lalengkima ( INC)

20-Sakeilui- Sukriti Chakma (INC)

21-M.Kawnpui- Premo Kanti ( INC)

22-Bungtlang 'S'- K Lalramzauva (ZPM)

23-Sekulh- J Lalrawngbawla ( INC)

24-Tuithumhnar- H Vanlaltanpuia (INC)

25-Vathuampui- C Lalneihkhuma (IND)

Party - te Seat lak dan

1. BJP - 2

2. INC - 7

3. MNF - 8

4. ZPM -6

5. IND - 2

Donny Lalruatsanga (Returning Officer), Pu David Lalrinawma (Returning Officer) leh H Zonunmawia (Returning Officer) te chuan MDC thlan thar te hnenah hian ' Certificate of Election' an hlan nghal a ni.