Aizawl | Nov 8, 2025: MNF chuan vawiin November ni 8, 2025 (Inrinni) 7:30- 9:30 am khan 2-Dampa (ST) A/C Bye-Election 2025 'Campaign Kharna hun' chu Dawrkawn Reiek-ah neih a ni a. Mizoram Peoples' Forum (MPF) Chairman Pastor H Zathuama'n a kaihruai a. 'Campaign kharna hun' hi vawiin chawhnu dar 2:00pm hian Dinthar Bazar, West Phailengah neih chhunzawm leh a ni a, he hun hi MPF Secretary Hmachhuana'n a kaihruai thung.
He hunah hian MNF President Zoramthanga chuan, "Pu Thangtea hi fak vak pawh a ngai hran lo, lehkha thiam, kohhran mi, zirlai pawl hruaitu hlui leh politics-a tawn hriat tam tak nei leh Minister a lo nih tawhnaah sulhnu ropui tam tak lo hnutchhiah tawh a ni a. Party dang candidate-te nena buk chuan 'Chepa leh Vahrit' ang vel an ni a, lo thlang tling ula in inchhir lo tulh tulh ang. ZPM sorkar kan zawn mek hi 'Mauruangi ni lovin Bingtaii' a ni tih mipuiin kan hre vek tawh a, an term hi an hmang zo ang em tih hi ngaihtuah tham fe a awm a, inthlan lehah chuan an pil vang vang ang. Lawng pil mekah hian lo chuang reng reng suh ang che u. Ram neitu kan nihna chahbi pawh Delhi lamah an zu hralh daih a, Zoram mipuiin an hua a, thangtharten an haw em a, kan sorkar leh velah kan siamtha leh dawn a ni. ZPM sorkar pawikhawih zozaite hi MNF sorkar leh veleh kan siamtha leh vek ang a, inthlan lehah MNF tlinpui kum a thleng dawn a, a dawt leha sorkar tur MNF candidate lo vote ngei turin ka sawm takzet che u a ni", a ti a. Dampa inthlan boruak awm hnuah MNF zawm thar Dampa East atangin 430, West Block = 425, South Block= 630 a vaiin, 1485 an ni tih a puang nghal.
MNF official candidate Dr R Lalthangliana chuan thlan tlin a nih chuan VC, NGO leh political party hrang hrangte rawn khawmin khawtinin an mamawh ang zela harsatna sutkianna turin 'Village Level Development Plan' siam a tum dan te, bial chhung inkalpawhna kawng chhia ngaih pawimawh hmasak te, Aspirational District atanga khaichhuak tura hmalak a tum dan leh state sum ni lo, Aspirational District a nihna anga central sum atanga a theihna zawnah bial mipui tan thawh a tum dan te, border haats tihpuitlinna tura theihtawpa hmalak a tum thu te, Education Sector leh Health Sector lama hmalak a tum dan te, Agriculture Link Road ngaih pawimawh hmasak te, Dampa bial leh Mizoram tana hmasawnna bung thar kai tura theihtawp chhuah a tum dante a sawi. Ka nau Pu Rintluanga Sailo in a hmachhawp leh hmalak mêkte chhunzawm bakah, deveopment hnuk tak tak bial mipui tan khawih thei turin amah chu vote ngei turin bial mipui a sawm. "Ka lo tling a nih chuan keimah leh ka theihna zawng zawng hi bial mipui tan ka hlan tawp dawn," a ni, a ti.
MNF Treasurer Lalruatkima pawhin, "Pu Lalrintluanga Sailo khan bial a hmangaih em em a, a hmun ruak luah khat tur leh a hnathawhte chhunzawm turin, thalai leh mithiamte pawhin a hna lo thawh tawhte an hriat avanga an duh rawn luai luai, Assembly House-ah pawh tawn hriat nei tha, opposition MLA chak leh thil ti thei tur, kan ram, hnam leh sakhua a lo dam nan MNF arsi lian Dr.Thangtea vote vek turin Dampa bial mipui ka sawm che u a. Dr. Thangtea in vote hian development nasa tak in vote chhuak ang a, in inchhir lo khawp ang," a ti a. Kum 2023 inthlanah nasa takin ZPM thlipui a tleh a, nasa takin mipui beisei an pha leh si lo a. An thu tiamah an ding lo a, rulling MLA neih hlawkna a awm lo a, ration buhfai man a let thawkin a pung a, 'kan puk ve lo ang' tituten an puk thur thur a, fur khat daih kawngpui tha pawh an siam thei lo. Petrol leh diesel atangin chhiah an la a. Anmahni thu tiamah an din leh si loh avangin an thusawiin a vaw let a. Chuvangin, rulling party kher thlanin awmzia a neilo a ni, a ti.
He hunah hian MNF Dampa 'E' Block President Zirliana, Dampa 'W' Block President F Lalthanliana, Michael Lalramsanga West Phaileng leh Lalbiakthuami w/o Pu Lalrintluanga Sailo (L) te pawhin thu an sawi a. MNF Vice President & Campaign Committee Chairman Vanlalzawma'n lawmthu sawiin hun a khar.
Mizo National Front
General Headquarters
Aizawl : Mizoram
Press Release
MNF-IN CAMPAIGN KHARNA HUN ROPUI TAKIN A HMANG
Vawiin November ni 8, 2025 (Inrinni) 7:30- 9:30am khan MNF chuan 2-Dampa (ST) A/C Bye-Election 2025 'Campaign Kharna hun' chu Dawrkawn Reiek-ah neih a ni a. Pastor H.Zathuama, Chairman MPF chuan a kaihruai a. 'Campaign kharna hun' hi vawiin chawhnu dar 2:00pm hian Dinthar Bazar, West.Phailengah neih chhunzawm leh a ni a, he hun hi Pu Hmachhuana MPF Secretary chuan a kaihruai thung.
He hunah hian Pu Zoramthanga MNF President chuan, "Pu Thangtea hi fak vak pawh a ngai hran lo, lehkha thiam, kohhran mi, zirlai pawl hruaitu hlui leh politics-a tawn hriat tam tak nei leh Minister a lo nih tawhnaah sulhnu ropui tam tak lo hnutchhiah tawh a ni a. Party dang candidate-te nena buk chuan 'Chepa leh Vahrit' ang vel an ni a, lo thlang tling ula in inchhir lo tulh tulh ang. ZPM sorkar kan zawn mek hi 'Mauruangi ni lovin Bingtaii' a ni tih mipuiin kan hre vek tawh a, an term hi an hmang zo ang em tih hi ngaihtuah tham fe a awm a, inthlan lehah chuan an pil vang vang ang. Lawng pil mekah hian lo chuang reng reng suh ang che u. Ram neitu kan nihna chahbi pawh Delhi lamah an zu hralh daih a, Zoram mipuiin an hua a, thangtharten an haw em a, kan sorkar leh velah kan siamtha leh dawn a ni. ZPM sorkar pawikhawih zozaite hi MNF sorkar leh veleh kan siamtha leh vek ang a, inthlan lehah MNF tlinpui kum a thleng dawn a, a dawt leha sorkar tur MNF candidate lo vote ngei turin ka sawm takzet che u a ni", a ti a. Dampa inthlan boruak awm hnuah MNF zawm thar Dampa East atangin 430, West Block = 425, South Block= 630 a vaiin, 1485 an ni tih a puang nghal.
MNF official candidate Dr.R.Lalthangliana chuan thlan tlin anih chuan V/C, NGO leh political party hrang hrangte rawn khawmin khawtinin an mamawh ang zela harsatna sutkianna turin 'Village Level Development Plan' siam a tum dan te, bial chhung inkalpawhna kawng chhia ngaih pawimawh hmasak te, Aspirational District atanga khaichhuak tura hmalak a tum dan leh state sum ni lo, Aspirational District a nihna anga central sum atanga a theihna zawnah bial mipui tan thawh a tum dan te, border haats tihpuitlinna tura theihtawpa hmalak a tum thu te, Education Sector leh Health Sector lama hmalak a tum dan te, Agriculture Link Road ngaih pawimawh hmasak te, Dampa bial leh Mizoram tana hmasawnna bung thar kai tura theihtawp chhuah a tum dante a sawi. Ka nau Pu Rintluanga Sailo in a hmachhawp leh hmalak mêkte chhunzawm bakah, deveopment hnuk tak tak bial mipui tan khawih thei turin amah chu vote ngei turin bial mipui a sawm. "Ka lo tling a nih chuan keimah leh ka theihna zawng zawng hi bial mipui tan ka hlan tawp dawn," a ni, a ti.
Pu Lalruatkima MNF Treasurer pawhin, "Pu Lalrintluanga Sailo khan bial a hmangaih em em a, a hmun ruak luah khat tur leh a hnathawhte chhunzawm turin, thalai leh mithiamte pawhin a hna lo thawh tawhte an hriat avanga an duh rawn luai luai, Assembly House-ah pawh tawn hriat nei tha, opposition MLA chak leh thil ti thei tur, kan ram, hnam leh sakhua a lo dam nan MNF arsi lian Dr.Thangtea vote vek turin Dampa bial mipui ka sawm che u a. Dr. Thangtea in vote hian development nasa tak in vote chhuak ang a, in inchhir lo khawp ang," a ti a. Kum 2023 inthlanah nasa takin ZPM thlipui a tleh a, nasa takin mipui beisei an pha leh si lo a. An thu tiamah an ding lo a, rulling MLA neih hlawkna a awm lo a, ration buhfai man a let thawkin a pung a, 'kan puk ve lo ang' tituten an puk thur thur a, fur khat daih kawngpui tha pawh an siam thei lo. Petrol leh diesel atangin chhiah an la a. Anmahni thu tiamah an din leh si loh avangin an thusawiin a vaw let a. Chuvangin, rulling party kher thlanin awmzia a neilo a ni, a ti.
He hunah hian Pu Zirliana President Dampa 'E' Block, Pu F.Lalthanliana President, Dampa 'W' Block, Pu Michael Lalramsanga West Phaileng leh Pi Lalbiakthuami w/o Pu Lalrintluanga Sailo (L) te pawhin thu an sawi a. Pu Vanlalzawma Vice President, MNF & Chairman Campaign Committee chuan lawmthu sawiin hun a khar.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.377/2025
Dt.08.11.2025
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: