Aizawl | Nov 26, 2025: Lai Autonomous District Council (LADC) inthlana campaign mek, MNF Senior Vice President Dr R Lalthangliana chuan Nilaini hian Thingkah, AOC Lawngtlai, Lawngtlai-III, Chanmari Lawngtlai, Lawngtlai Vengpui, Lawngtlai Council Venga campaign office-ah te thu a sawi a. Tlai dar 3:00pm hian Areopagi-a public meeting-ah thu a sawi leh a ni.
Heng hmunah te hian Dr Thangtea chuan kum 1998 leh kum 2003 inkar khan Minister a nihna angin District Council Affairs a lo enkawl tawh thu leh thawktute hlawh an bat sak reng ngailoh thu a sawi. "District Council-ah hian a ngheta thawk 3000 vel an awm a, a nghet lova thawk 600 atanga 700 vel an awm niin ka lo hria a. Kum 40 chhung zet politics-a ka awm ve tawh hnuah tun ang em ema thla engemaw zat state sorkarin district council hnathawk hlawh an pek theih loh hi a awm ngai lo, enge maw harsat chang chu awm ve zeuh thin mahse; tun anga state sorkarin District Council-a thawktute ngaihthah lutuk hi a awm ngai hek lova, kei pawhin ka hre ngai lo. Kan sorkar hunah chuan innamnul lutuk hi kan ti ve ngai lo ang, a siamthat hna kan thawk zel zawk tur a ni. 'Pathian leh kan ram tan' titu kan nih angin keini chuan harsatna a lo awm ve anih pawhin dawhkan khatah Council hruaitute nen kan sawi dun thin ang," a ti.
"ZPM sorkar hi ka sawisel hrim hrim a ni lo a, an thil tih dikloh ka sawi mai zawk a ni. Chutih laiin, District Council sorkar hi Sixth Schedule-ah mumal taka dinhmun siamsak an ni a, an zahawmnate pawh humhim sak an ngai hle a, state sorkar hian a tawngpawng pal bawrh bawrh a thiang lo, development hrang hrangah a ni emaw, district council-a sorkar hna thawk nghet leh nghet lote pawh state sorkar hian a ngaihthah tur a ni lo. Sum awm lo pawh ni lo, a chahbi kawltuten an hreng reng ringawt mai hi mak ka ti a. Heti tak maia state sorkarin a hlamchhiah mek hi a rang thei ang bera chinfelsak turin ZPM sorkar ka ngen a ni," a ti bawk.
Dr R Lalthangliana chuan, hman ni lawka by-election kan neihna Dampa bialah chuan Chief Minister Pu Lalduhoma chuan ZPM candidate vote duh lo zawng zawng khan Lalduhoma in duhlo tel a ni tiin a sawi a. Chief Minister thu sawi hian amah ngei pawh Dampa bialin an duh tawh lo tih a nem nghet a. Chuvangin, Dampa bial duh tawh loh chu LADC mipui tan duh tlak an ni tawh lo a ti a. MNF official candidate leh an thawhpui candidate-te chu vote tling ngei turin mipui khawngaihna a dil a, "a ngentu hian ngen tura phuna chu ka nei lo na a, nangmahni tan zawk a ni e," a ti.
Mizo National Front
General Headquarters
Aizawl : Mizoram
Press Release
TUN ANGA STATE SORKARIN DISTRICT COUNCIL A NGAIHTHAH KA HRE NGAI LO, SORKAR HIAN COUNCIL HARSATNA HI NGAIHTHAH LO SE KA DUH
-Dr.R.Lalthangliana, Sr.Vice President, MNF
Lai Autonomous District Council inthlana campaign mek, Dr.R.Lalthangliana Sr.Vice President MNF chuan Nilaini hian Thingkah, AOC Lawngtlai, Lawngtlai-III, Chanmari Lawngtlai, Lawngtlai Vengpui, Lawngtlai Council Venga campaign office-ah te thu a sawi a. Tlai dar 3:00pm hian Areopagi-a public meeting-ah thu a sawi leh a ni.
Heng hmunah te hian Dr.Thangtea chuan kum 1998 leh kum 2003 inkar khan Minister a nihna angin District Council Affairs a lo enkawl tawh thu leh thawktute hlawh an bat sak reng ngailoh thu a sawi. "District Council-ah hian a ngheta thawk 3000 vel an awm a, a nghet lova thawk 600 atanga 700 vel an awm niin ka lo hria a. Kum 40 chhung zet politics-a ka awm ve tawh hnuah tun ang em ema thla engemaw zat state sorkarin district council hnathawk hlawh an pek theih loh hi a awm ngai lo, enge maw harsat chang chu awm ve zeuh thin mahse; tun anga state sorkarin District Council-a thawktute ngaihthah lutuk hi a awm ngai hek lova, kei pawhin ka hre ngai lo. Kan sorkar hunah chuan innamnul lutuk hi kan ti ve ngai lo ang, a siamthat hna kan thawk zel zawk tur a ni. 'Pathian leh kan ram tan' titu kan nih angin keini chuan harsatna a lo awm ve anih pawhin dawhkan khatah Council hruaitute nen kan sawi dun thin ang," a ti.
"ZPM sorkar hi ka sawisel hrim hrim a ni lo a, an thil tih dikloh ka sawi mai zawk a ni. Chutih laiin, District Council sorkar hi Sixth Schedule-ah mumal taka dinhmun siamsak an ni a, an zahawmnate pawh humhim sak an ngai hle a, state sorkar hian a tawngpawng pal bawrh bawrh a thiang lo, development hrang hrangah a ni emaw, district council-a sorkar hna thawk nghet leh nghet lote pawh state sorkar hian a ngaihthah tur a ni lo. Sum awm lo pawh ni lo, a chahbi kawltuten an hreng reng ringawt mai hi mak ka ti a. Heti tak maia state sorkarin a hlamchhiah mek hi a rang thei ang bera chinfelsak turin ZPM sorkar ka ngen a ni," a ti bawk.
Dr.R.Lalthangliana chuan, hman ni lawka by-election kan neihna Dampa bialah chuan Chief Minister Pu Lalduhoma chuan ZPM candidate vote duh lo zawng zawng khan Lalduhoma in duhlo tel a ni tiin a sawi a. Chief Minister thu sawi hian amah ngei pawh Dampa bialin an duh tawh lo tih a nem nghet a. Chuvangin, Dampa bial duh tawh loh chu LADC mipui tan duh tlak an ni tawh lo a ti a. MNF official candidate leh an thawhpui candidate-te chu vote tling ngei turin mipui khawngaihna a dil a, "a ngentu hian ngen tura phuna chu ka nei lo na a, nangmahni tan zawk a ni e," a ti.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo.493/2025
Dt.26.11.2025
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: