Sawmtea leh Tekawka'n Ather Electric Scooter 9 Ball Pool Championship 2025 quarter final an lut, naktukah quarter final khel dawn

Aizawl | Nov 13, 2025: Mizoram Snooker & Billiards Association (MSBA) buatsaih Ather Electric Scooter 9 Ball Pool Championship 2025 chu vawiin khan Millennium Centre Atrium, Aizawl-ah khelh chhunzawm leh a ni a. Pool C ten an khel a, R Lalmalsawma (Sawmtea) leh Zonuntluanga (Tekawka) ten quarter final an lut a, Quarter finalist an kim tawh a ni.

Vawiin khan, Pool C in an khel a, double elimination in khelin, race to 5 in an khel a, R Lalmalsawma, Lunglei leh Zonuntluanga, Electric Veng, Aizawl ten quarter final an inhawlh tling.

Nimin November 12 khan Pool B aṭangin PB Liansangzuala leh Lalṭanpuia ten quarter final an lut a, Nov 11 khan Pool D aṭangin leh R Lalthazuala ten quarter final an lut a, Nov 10 khan  Pool A aṭangin Lalrina Renthlei leh K Lallawmkima ten quarter final a inhawlh tling bawk a ni.

Naktuk quarter match hi zing dar 11:00 ah ṭan a ni ang a, Millennium Centre-ah inkhel a en theih reng a. Aidu Play-ah live a pekchhuah niin, a thlawnin a en theih a ni.

Quarter final match hmasa berah Lalrina Renthlei vs R Lalṭhazuala te an khel ang a, a dawtah PB Liansangzuala vs Zonuntluanga te an inhmachhawn leh ang a, Match thumnaah R Lalmalsawma vs Laltanpuia inkhelin, Match linaah Lalsangzela vs K Lallawmkima te an inhmachhawn thung ang.

November  15, 2025 hian Semi Finals leh Final khelh a ni ang.

Semi final leh Final inkarah hian, Exhibition match pathum - Apuia Ralte vs Bza, Papuia Pachuau vs Tommy leh Buati vs Hailey a awm ang.

Ather Electric Scooter 9 Ball Pool Championship 2025-ah hian qualify 24 an awm a, qualifying tournament hi MSBA Hall, Hawla Indoor Stadum-ah an lo khel tawh a,  Player tha rual 24 in MC Atrium-ah pool an khel a, a hmunah pawh entu an ṭhahnem thei hle  a ni.

Ather Electric Scooter 9 Ball Pool Championship 2025-ah hian main Sponsor hi Ather an ni a, NeXGen, Aidu Play, Atoqa Tea (Nagaland Gold), Cafe Desire, Mahindra Tractors, Terrace Restaurant, Sharma Billiard Accessories, Pepperfry Bawngkawn leh Hotel Royale Lalawi te co - sponsor an ni.

Quarter Final inhlangkai tawhte:

Pool A:

1. Lalrina Renthlei

2. K Lallawmkima

Pool D:

1. Lalsangzela

2. R Lalṭhazuala

Pool B:

1. PB Liansangzuala

2. Lalṭanpuia, Lunglei

Pool C:

1. R Lalmalsawma, Lunglei

2. Zonuntluanga

Quarter Final Fixture:

QF 1. Lalrina Renthlei vs R Lalṭhazuala

QF 2. PB Liansangzuala vs Zonuntluanga

QF 3. R Lalmalsawma vs Lalṭanpuia

QF 4. Lalsangzela vs K Lallawmkima

Player list leh an awmna pool leh an khelh ni tur:

Pool A | Nov 10, 2025

1. Lalrina Renthlei

2. Peter Lalrintluanga

3. K Lallawmkima

4. David Lalnunhlima

5. Alfred Lalnunfela

6. John Lalthanpuia

Pool B - Nov 12, 2025

1. PB Liansangzuala

2. Samson Lalnuntluanga

3. Henry L Hlawnmual

4. Lalzawngkima

5. Joel Laldinmawia 

6. Laltanpuia

Pool C - Nov 13, 2025

1. Zonuntluanga

2. T Laltanpuia

3. Jacksin Lalrintluanga

4. Lalchhandama Chhangte

5. B Lalhruaitluanga 

6. R Lalmalsawma

Pool D - Nov 11, 2025

1. R Lalthazuala

2. Lalsangzela

3. Roy Lalbriatpuia

4. Rosanglura

5. K Lalngaihawma 

6. C Lalramluahsanga