Ather Electric Scooter 9 Ball Pool Championship 2025 Champion Lalrina Renthlei

Ather Electric Scooter 9 Ball Pool Championship 2025 Champion Lalrina Renthlei

Aizawl | Nov 16, 2025: Ather Electric Scooter 9 Ball Pool Championship 2025 chu November 15, 2025 inrinni tlai khan Millennium Centre Atrium-ah a hmawr bawk a ni a, Lalrina Renthlei a champion.

Lalrina Renthlei

Ather Electric Scootet 9 Ball Pool Championship 2025 Final-ah hian Lalrina Renthlei leh R Lalmalsawma, Lunglei te an intum a, race to 8 a khelh niin, 8 - 4 in Lalrina Renthlei a chak a, Ather Electric Scooter 9 Ball Pool Championship 2025 champion a ni ta a ni.

R Lalmalsawma

Inrinni khan, chawhma dar 11 atangin Semi final khelh a ni a, semi final match hamsa zawkah Lalrina Renthlei leh Lalsangzela te an inhmachhawn a, race to 7 a khelin an inhneh tawk hle a, 6 - 6 niin, chak zawk anzawng a, a tawkah 7 - 6 in Lalrina rRenthlei a chak a, final a lut ta a ni.

Lalsangzela hi I Day 9 Ball Pool Championship 2024, Millennium Centre-a neih-ah champion a ni a, Lalrina nen Final-ah an lo inhmachhawn tawh a ni. Lalrina Renthlei leh Lalsangzela inkhel hi a boruak a sang hle a, a hmuna netute thawm a ring a, entu an tam hle a ni.

Semi final match hnuhnung zawkah hian, R Lalmalsawma leh PB Liansangzuala te an inhmachhawn a, anni pawh hian semi final match hmuhnawm tak an entir a, 7 - 5 a R Lalmalsawma chakin final a lut a ni.

Semi Final leh Final inkarah hian, Exhibition match pathum - Apuia Ralte (footballer) vs Papuia Pachuau (Actor), Tommy vs Bz-a (GreenRocket TV) leh Buati vs Hailey te a awm a, main sponsor Ather leh co sponsor Aidu play atangin, Zothantluanga leh Henry Hlawnmual ten charity match an khel a, MSBA tan cheng 50,000 an hlan a ni.

Quarter Final hi November 14, Zirtawpni khan khelh a ni a, hetiang hi an result a ni.

1. Lalrina Renthlei 6 - 4 R Lalṭhazuala

2. PB Liansangzuala 6 - 1 Zonuntluanga

3. R Lalmalsawma 6 - 4 Lalṭanpuia

4. Lalsangzela 6 - 2 K Lallawmkima

November 10 - 15 chhunga khelh zawh tak, Ather Electric Scooter 9 Ball Pool Championship 2025-ah hian qualify 24 an awm a, qualifying tournament hi October thla khan Player 130 chuangin MSBA Hall, Hawla Indoor Stadum-ah an lo khel tawh a, Player tha rual 24 in MC Atrium-ah pool an khel a, a hmunah pawh entu an ṭhahnem thei hle a ni.

Ather Electric Scooter 9 Ball Pool Championship 2025-ah hian main Sponsor hi Ather an ni a, NeXGen, Aidu Play, Atoqa Tea (Nagaland Gold), Cafe Desire, Mahindra Tractors, Terrace Restaurant, Sharma Billiard Accessories, Pepperfry Bawngkawn leh Hotel Royale Lalawi te co - sponsor an ni. Ather Electric Scooter 9 Ball Pool Championship 2025 hi a tir atangin Aidu Play-ah a thlawnin live-a pekchhuah a ni.

Pool tin atanga Quarter Final inhlangkaite:

Pool A:

1. Lalrina Renthlei

2. K Lallawmkima

Pool D:

1. Lalsangzela

2. R Lalṭhazuala

Pool B:

1. PB Liansangzuala

2. Lalṭanpuia, Lunglei

Pool C:

1. R Lalmalsawma, Lunglei