"NLUP thatna leh a nihna kha hrechiang se sawisel tute hian min fak tur a ni," ~ PL Thanga, IAS (retired)

Aizawl | Nov 8, 2025: PL Thanga, IAS (retired) chuan, "NLUP thatna leh a nihna kha hrechiang se sawisel tute hian min fak tur a ni," a ti.

"Kan ram hruaitu hmasa ten an vision hmanga miretheite khaichhuahna an lokalpui kha a lo tha a ni. NLUP ah khan sum kan dil zawng zawng kha cheng khat pawh paihsak lovin min pawmsak a ni," a ti.

He thu hi Vawiin 7, November, 2025 hian Congress party chuan Congress Bhavan ah Political Session an hmannaah a sawi a ni.

MPCC/Media/PR-2025/106

Dated: Aizawl, November 7, 2025

PRESS RELEASE

NLUP thatna leh a nihna kha hrechiang se sawisel tute hian min fak tur a ni. Kan ram hruaitu hmasa ten an vision hmanga miretheite khaichhuahna an lo kalpui kha a lo tha a ni. NLUP ah khan sum kan dil zawng zawng kha cheng khat pawh paihsak lovin min pawmsak a ni. 

Vawiin 7, November, 2025 hian Congress party chuan Congress Bhavan ah Political Session kan hmang a, he hunah hian Pu P.L. Thanga, IAS (retired) chuan thu a sawi.

Pu P.L. Thanga chuan, "Vawiin thleng hian NLUP hi pawn lam atanga thlirtute hian an hrechiang lo hle a ni. An sawisel nasat poh leh an hriat lohzia an tarlang mai mai a, mahni mawng hlimna a ni. Nlup hi mi tam ber hian chhungkaw chhawmdawlna angah a nawlpuiin kan dah a. Mizoram thar siam nana kalphung thar buatsaiha, ram siamtharna, hun rei tak kan ngaihthahte pawh siamthar lehna zawk a ni. Tuna kan Prime Minister Narendra Modi ngei pawh hi NLUP tha tia faktu a ni." a ti.

NLUP sawi chhiatna hi kum 15 dawn kan ngaithla ta a. Mizoram ah hian NLUP anga project mumal tak siam a, goal leh vision neia project anga sanction hi India ramah a la awm lo. Sawisel eng ang mahse a that zia data felfai takin kan nei vek a ni.

NLUP ah khan a scheme kal dan tur kan ruahman bakah Detail action plan kan ti leh a, a thar hma turte a crop a zirin chutiang chi hrang hrang chu detail action plan kan siam a. A kalpui dan tur manual kan siam leh bawk a, chumi hmang chuan department ten an kalpui leh a ni.

NLUP a kan thil tum chu thingtlang lo neih tihtawpa permanent a lo neih a, kum khatah kut hnathawktu ten nuai li nga an lakluh theihna turte, ei leh bara lunngaia awm thin te an lunngaihlohna tur te a ni.

NLUP kan kalpui khan vawk vulhtu te, ar vulhtute, sap thei chinah te kan rilru kan nghatin kan tinzawn a. A project ah chuan Mizoram khua tinte hian engtin nge leilung hi kan hman ang tih a ni. Mizoram leilung hi kan zirchiang vek a, UNO nena kan thawhho hnuah MRSAC data hmangin Mizoram leilung tin hi kan zirchhuak vek a, ram leilung awm dan, ram chhia leh tha, lui kawr awm dan tinte kan zirchiang vek a ni. Ram leilung hman dan tur ruahmanna a map nen thlap kan zirchiang vek bawk a. Hetiang anga ram leilung zirchianna hi kum 1947 atangin a la awm lo. Ngaihven nachang pawh hre lo ten ram hmangaih kan inzirtir hi a buaithlak a ni.

NLUP kan pek hmasak ber atang khan Pathianin min hruai a, NLUP kha Pathianin mal a sawm a. Central-ah Ministry 14 lai Secretary te kan zu hmu a, Planning Commission an hotute kan titipui bawk a. Pu Lal Thanhawla khan kawngkapui min hawnsak a, Sonia Gandhi te leh hruaitu lawkte lo hminin kan tan an lo tha em em a ni.

NLUP ah khan Centre in tehfung pawimawh pahnih a nei a. Chu chu kum 8 chhungin a ram chhunga inthawhchhuah zawng zawng Per Capita Income hi Rs 51000 a pel tur a ni. A bakah chuan GSDP ah state in hmasawnna a hmu em tih a ni. A tirah khan 45000 beneficiary thlan tur tih a nia, beneficiary thlante thlan awm tak an thlang em tih enfiah turin Mizoram University a mithiam te ruaiin an endik phawt a ni. Benficiary an thlan zaa 50 te kha nitin hnathawka eizawng te an ni. Thlan chhuah 70 percent te income chu Rs 1500 tling lo te an ni.

Nasa taka sawisel leh chirhtheh in kan awm a, NLUP kha January 11, 2014 a kan tan kha a nia. High Court ah tum thum min khing a, Hight Court chuan entawntlak an ni an ti zel zawk a ni. Kan ramah hian bengchheng kan siam hma hian hriatfiah theih chin chu hriatfiah hmasak tum a tha in ka hria.

NLUP kan ruahmanna kha belhchian a dawla a hunlaia Central sorkar pawhin kum nga chhunga min pek dan tur kan ruahmanna te pawh min pawmsak vek a, sum release ah sawihiar a awm ngai lo. NLUP a kan ke penna zawng zawngah khan Pathianin mal min sawm a, min kaihruai a ni. Chu mai a ni lo, Mizoram avangin state hnufual ten malsawmna an dawn phah ve vek zawk bawk.

NLUP thatna leh a nihna kha hrechiang se sawisel tute hian min fak tur a ni. Kan ram hruaitu hmasa ten an vision hmanga miretheite khaichhuahna an lokalpui kha a lo tha a ni. NLUP ah khan sum kan dil zawng zawng kha cheng khat pawh paihsak lovin min pawmsak a ni.

NLUP kan kalpui dawn a Centre in tehfung Per Capita kum 8 chhunga phak tur min tuksak kha kan kalpui tirha Rs 51,000 min tuk a, chu chu kum hnihah Rs 57000 in kan pel a, kum nga naah phei chuan kum 8 a min tuksak kha a letin kan khum a ni. NLUP aia project hlawhtling India ramah a awm lo.

NLUP kan kalpui hma khan Mizoram hi India hmarchhakah Economic Growth ah kan hniamfal lawrlak a. NLUP kan kalpui kum khatnaah sum khawlaileng a tam ta a, chu chuan hnathawkin kawng hrang hrangin hmasawnna a thlen a, India hmarchhakah pakhatna kan ni nghal tawp a. Economic Growth ah kan sang fal nghal nalh a ni.

NLUP hi Mizoram tan project rangkachak a ni a. NLUP kan kalpui hma khan MNF khan MIP an kalpui a, MIP a thawktu zawng zawng driver te thlengin a bo a bang awm lovin kan chhawm vek a. MNF kha kum thum chhung daih tur sum kan hnutchhuah bawk a, thil dangah an hmang a niang.

Friday Political Session hi Pu F. Lalhmangaiha, GS, MPCC chuan a kaihruai a ni.

Sd/

LALREMRUATA

Secretary

Media Department