# Zirlai chhuak thar 97.1% in hna an hmu nghal
Aizawl | Nov 25, 2025: National Institute of Technology (NIT) Mizoram chuan vawiin chhund ar 12 khan Lengpui, Community Hall-ah Convocation vawi 9-na an hmang a, IIT Guwahati Director Prof Devendra Jalihal chuan khuallian niin a hmanpui a, NIT Mizoram Board of Governors Chairman Harshavardhan Neotia leh NIT Mizoram Director Prof S Sundar te'n an kaihruai a ni.
He convocation ah hian Prof Ajmal Koya Pulikkal, Registrar i/c leh Secretary, Board of Governors leh Senate, NIT Mizoram, Deans, Head of Departments, Board of Governors members, Senate members, faulty, administrative staffs, zirlaite leh an nu leh pate an tel a. Heng bakah hian Mizoram Sawkar official hrang hrang te leh Institute hrang hrang represent ten an telpui bawk a ni.
He convocation ah hian zirlai hlawhtling 185 te hnenah degree certificate hlan an ni a, heng zing aṭang hian zirlai 137 te chu Bachelor of Technology niin, zirlai 15 te hnenah Masters of Technology degree hlan an ni bawk a, Doctor of Philosophy (PhD) Degree mi 33 hnenah hlan a ni bawk. Zirlai hlawhtling te hi Engineering Department hrang hrang aṭanga degree hlan an ni. Heng bakah hian NIT Mizoram chuan B.Tech Programme thar – Chemical Science & Technology a hawng bawk a ni.
Director NIT Mizoram chuan he huna a thusawi naah hian NIT Mizoram chu NIRF rank band 101 – 150 an nih chu hmasawnna nasa tak anih thu a sawi a, NIRF score pawh a kum hmasa aiin 31% in hma an sawn tih a sawi tel bawk. He Academic Year 2024 – 25 chhung hian NIT Mizoram chuan Journal ṭha publication 369 a nei a, central funded project 13 neiin, consultancy projects 24 leh patent 12 a nei bawk a ni.
Industry leh infrastructure chungchangah pawh NIT Mizoram chuan MoU hmun hrang hrang - IIT Madras, IIT Guwahati, CSIR–CEERI Pilani, AICTE, Airport Authority of India (Aizawl), Mizoram Science, Technology and Innovation Centre (MISTIC), Bureau of Indian Standards (BIS), Software Technology Parks of India (STPI) Aizawl, INAE leh The Institution of Engineers (India) te nen an sign tawh a. Hei bakah hian Memorandum of Agreement chu TeXMIN, IIT (ISM) Dhanbad te nen Mining Centre of Excellence din turin inremsiamna an nei tawh bawk a ni. NIT Mizoram hi 5G leh nakin lawka 6G technology lama theihna tihpunna tura October 2023-a Hon’ble Prime Minister-in a hawn, ram pum huapa “5G Use Case Labs” hmalakna atana institute 100 thlan chhuah zingah a tel bawk a ni.
Zirlai chhuak tharte aṭang hian 97.1% laiin hna an hmu nghal a, zirlaite hi heng company hriat hlawh tak tak – Mahindra & Mahindra, Vedanta, L&T, Tata Electronics, Deloitte, Ashok Leyland, Lumiq.AI, Adani Wilmar, TCS, Cognizant, Capgemini, Kalpataru Projects, Saint Gobain, Digit, GA Infra, Juspay, APL Apollo Steel, Sigmoid, EQ Technologies, leh Fidelity International ah te placement an hmu a ni. Heng bakah hian Kum 2026 graduating batch aṭanga zirlai 50% chuang chuan placement NVIDIA, Siemens, Schneider Electric, L&T, HSBC, Deloitte, BNP Paribas, Infosys, leh Cubastion company ah te an hmu tawh a, Campus recruitment drive hi la kalpui mek zel a ni bawk.
Prof. S. Sundar chuan Institute-in a zinkawng report kimchang tak a pe a, India-in infrastructure, energy transition, defence modernization leh technology hmasawn tak tak, AI, quantum computing leh supercomputing lama hmasawnna chak tak takte a sawi uar hle. Ram pum huap hmalakna langsar tak tak – Mizorama rel kawng hawn thara engineering marvel aṭanga nuclear leh renewable energy lama hun rei tak chhunga mission, National Quantum Mission leh Mission Sudarshan Chakra – chu “Viksit Bharat 2047” atana vision lungphum inzawmkhawmah a sawi. Zir chhuakte hnenah thu sawiin, mihring nunphung vawng nung turin a chah a, an nu leh pate leh zirtirtute inpekna hre reng tur leh, an duhthlanna kawnga ṭhatna hmanga hnam dinna kawngah awmze nei taka thawhpui turin a chah a ni.
Khuallian Prof Devendra Jalihal chuan zirlai chhuakte chu lawmpuina thu a sawi a, zirna chu “khawvel tihdanglamna atana i hman theih tur ralthuam chak ber” tiin a sawi a, NIT Mizoram chuan a zir chhuakte chu technical lama hriatna chauh ni lovin zawhna, thil thar siam leh midang kaihhruaina ah hma la tu ni turin a fuih a. NIT Mizoram-in research output, innovation, leh industry inzawmna a tihpun zel chu lawmawm a tih thu sawiin, zir chhuakte chu khawvel pumah an hlawhtling ang a, chutih rualin hnam tana an rawngbawlna chuan zung a kaih reng a rin thu a sawi bawk.
Harshavardhan Neotia chuan zirlai chhuakte leh an chhungte lawmpuina thu sawiin, faculty leh staff-te inpekna a fakawm hle tih a sawi a. Temporary Campus aṭanga thawk mah nise NIT Mizoram-in hmasawnna ropui tak a neih thu leh Institute-in 100% internship record, 97.1% placement ṭha tak, leh NIRF 101 – 150 rank band-a a awm chhunzawm zel chu lawmawm a tih thu sawiin, NIT Mizoram chu ram pum huapa dinhmun sang zawk nei thei tura kawng dik zawh mek a nih thu a sawi.
Prof S Sundar chuan khual lian leh BoG Chairman hnenah ngaihhruina thilpek a hlan nghal bawk a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: