Aizawl | Nov 8, 2025: MNF General Headquarters Treasurer Lalruatkima chuan vawiin chawhnu dar 2 khan Aizawl Press Club-ah thuthar thehdarhtute kawmin, "Dampa bial mipuite hian MNF Official candidate Dr R Lalthangliana an thlan tlin ngei kan duhsak a. Sang takin hnehna a chan ngei kan beisei a ni," a ti a.
"Nationalism tung ding leh tur hian MNF arsi lian hi House-ah a ṭhut a ṭul tak zet a ni," a ti bawk.
Lalruatkima chuan, Dr Thangtea chu,
1. Tawnhriat tam tak nei tawh, mithiam a ni a. State sum mai ni lovin Central fund nena ṭawngkawpa development sawichhuak thei tur, development bulldozer a ni tih kan hriat kha.
2. ZPM sorkar buai tak, ram kaihhruaina kawnga kal ngaihna hre lo tak hian thurawn petu leh khalh ngiltu ṭha an mamawh hle a. Dr Thangtea hi Opposition MLA ṭha tak leh sorkar finchhuahtu ṭha tak a ni dawn a ni.
3. ZPM sorkar kal dan duhkhawp awm lo tak en hian kum 2028 inthlanah chuan Pathian leh mipui zarah MNF-in sorkarna a chang leh dawn tih a chiang a. MNF arsi lian Dampa mipuiin MLA-a an neih hi a pawimawhin Dampa bial tan kawng hrang hrangin an hlawkpui hle dawn a ni.
4. ZPM sorkar hian ram leh hnam himna an ngaihsak lo hle a. He sorkar-ah hian Nationalism-in kalsan leh ngaihthah a hlawh a. Kan hnam a him lo a ni. Nationalism tung ding leh tur hian MNF arsi lian hi House-ah a ṭhut a ṭul tak zet a ni.
Press Statement of MNF General Headquarters Treasurer Lalruatkima
@ Aizawl Press Club, Dt. 8.10.2025
DR. R. LALTHANGLIANA VOTE VEK TURIN DAMPA BIAL MIPUITE KAN SAWM
Kan hriat ṭheuh angin, Pu Lalrintluanga Sailo kan MLA duh takin min boral san tak avangin, Dampa bial By Election chu November ni 11 hian neih a lo ni dawn ta a. He inthlan lo awm turah hian Pathian leh mipuite zarah MNF Official Candidate Dr. R. Lalthangliana, Sr. Vice President, MNF chuan sang takin hnehna a chan ngei kan beisei a ni.
Dampa bial mipuite hian MNF Official candidate Dr R Lalthangliana an thlan tlin ngei kan duhsak a. Dr Thangtea an thlan tlin a ṭulna chhan tlem han tarlang ila -
1. Tawnhriat tam tak nei tawh, mithiam a ni a. State sum mai ni lovin Central fund nena ṭawngkawpa development sawichhuak thei tur, development bulldozer a ni tih kan hriat kha.
2. ZPM sorkar buai tak, ram kaihhruaina kawnga kal ngaihna hre lo tak hian thurawn petu leh khalh ngiltu ṭha an mamawh hle a. Dr Thangtea hi Opposition MLA ṭha tak leh sorkar finchhuahtu ṭha tak a ni dawn a ni.
3. ZPM sorkar kal dan duhkhawp awm lo tak en hian kum 2028 inthlanah chuan Pathian leh mipui zarah MNF-in sorkarna a chang leh dawn tih a chiang a. MNF arsi lian Dampa mipuiin MLA-a an neih hi a pawimawhin Dampa bial tan kawng hrang hrangin an hlawkpui hle dawn a ni.
4. ZPM sorkar hian ram leh hnam himna an ngaihsak lo hle a. He sorkar-ah hian Nationalism-in kalsan leh ngaihthah a hlawh a. Kan hnam a him lo a ni. Nationalism tung ding leh tur hian MNF arsi lian hi House-ah a ṭhut a ṭul tak zet a ni.
Campaign chhungin ṭhahnem ngaih luat vangin bial chhung mipuite rilru tina zawnga ṭawng leh chetna kan nei palh thei a, chutiang alo awm a nih chuan an mi hriatthiamna kan ngen tak meuh a. MNF Campaigner te duhsak tak leh thahnem ngai taka min lo dawnsawnnaah Dampa bial mipuite chungah thinlung takin lawmthu kan sawi tak meuh a. Kan campaign chhung zawnga min hruai a, min venghim tlattu Pathian chungah lawmthu kan sawi tak meuh meuh bawk a ni.
Tlin duh luat avangin sawrkar lai, ZPM Party hotute chuan dan dinglaite pawisa hauh lovin, an bawhchhe rem rum a. An insawifiahna te pawh ECI lamin an pawmsak lo tih hriat a ni a. A pawi tak zet a. Hei hian pi leh pute thuvawn 'Lal ngailo an lal a na, an lal a kha' tih kha a tichiang hle a ni. Hetianga ZPM-te an chet laia MNF campaigner-teah sawisel tur a awm ve lo hi a lawmawm kan ti hle a ni.
MNF Candidate-in hnehna a chan ngei theihna atana theihtawp chhuah a, tha leh zung sengtute chungah lawmthu kan sawi a. Hei bakah hian ṭawngtaina nena kiltin aṭanga min beihpuitute chungah lawmthu kan sawi tak meuh meuh a ni.
Candidate ṭha tak tak karah MNF-in Official Candidate Dr. R. Lalthangliana kan nei hi lawmawm kan ti a. A inpekna, taimakna leh remhriatnate fakawm kan tiin, inphahhniam taka mipui khawngaihna dila malsawm tlakah a khawsakna hian hlawhtlinna a thlen ngei kan beisei tlat a. Hnehna a chan ngei pawh kan beisei a ni.
Inthlanna muanawm leh felfai tak neih a nihna tura thawktute rim taka inpekna a fakawm kan tiin, tluang taka inthlan a nih ngei kan beisei a. Thuneihna leh chakna hmansual avanga harsatna leh sawisel ngai thleng chhunzawm tawh lo turah MNF chuan kan beisei a. Dik tak leh tha taka dan leh thupekte pawh kenkawh a nih kan beiseiin, mipuite pawhin kan zawm tlan theuh kan beisei tak meuh a ni.
A tawp berah chuan Dampa bial mipuite vote thlak vek turin kan sawmin kan ngen a. MNF official Candidate Dr R Lalthangliana vote ṭheuh turin Dampa bial mipui zawng zawngte thinlung takin kan ngen a. A chhinchhiahna chu ARSI a ni e.
Issued by
MNF Publicity Board
Mizo National Front,
General Headquarters, Aizawl, Mizoram
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: