FIBA Asia Medical Committee-ah Mizo

Aizawl | Nov 27, 2025: Fédération Internationale de Basketball FIBA Asia Medical Committee vawiin-a thukhawm-ah Mizo pa Dr Lalrinawma Hnamte  a tel.

Mizoram Basketball Association (MBBA) Senior Vice President leh Basketball Federation of India (BFI) Vice President ni mek, Dr Lalrinawma Hnamte hi FIBA Asia Medical Committee member niin, vawiinah khan Muscat, Oman ah meeting an nei a. FIBA Asia Medical Committee ah hian member 6 an awm a, Asia chu zone 6-a then niin, Dr. Lalrinawma Hnamte hi South Asia zone aiawhtu a ni.

Zone hrang hrangte chu South Asia zone, Southeast Asia zone, East Asia zone, West Asia zone, Central Asia zone leh Gulf zone te a ni.

Meeting-ah infiammiten damdawi hman phal loh an hman leh hman lo check dan chungchang te, nasa zawka doping chungchang inhrilhhriatna neih chungchang te an rel.

Asia khawmualpuiah infiammi inhliam chhinchhiahna fumfe an neih loh avangin neih dan awm se an ti a. He mi behchhan hian infiammi inhliam ngun deuh hlekte chu inhliam theihna laka an inven theih dan ngaihtuah chhuah theih a nih tur thu te leh inenkawl dan te an duan theih phah dawn tih te an ngaihtuah bawk.

Infiammite himna an ngaihtuah a, a bik takin lu lam intihhliam chungchangah nasa zawka hma lak ni se an ti a ni.

FIBA Asia Medical Committee chungchanga inkaihhruaina zir chian ni se an ti a. Hei bakah hian Wheelchair Basketball chungchang ngaihtuahin, tun aia lian leh nasa zawka hmalakna a awm theihna tur kawng dap ni se tih te an rel bawk a ni.

Mizoram atanga he meeting-a tel Dr. Lalrinawma Hnamte hi Dawrpui Vengthara cheng niin, Mizoram Basketball Association (MBBA) Senior Vice President niin, Basketball Federation of India (BFI) Vice President a ni mek bawk.

~ Inkhel.com

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[ For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ