Dampa bialah awm hmuna vote thlak dilte vote thlaktir turin kalchilh tan dawn

Mamit | Nov 5, 2025: District Election Office, Mamit atangin vawiin khan 2-Dampa Assembly Constituency By-Election atana Home Voting Team-te chuan Dampa bial chhung lut tanin, Home Voting atana dilna lutte an awm hmuna vote thlaktir turin an kalchilh.

Karleh 11th November, 2025 (thawhlehni) a, 2-Dampa biala By-Election neih turah hian Election Commission of India-in a phal ang leh Home Voting atana phalna a pekte atangin kalchilha vote thlak dilna form 12 leh 12A atanga dilna lut 63 awmin, kum upa 58 (85 chunglam) leh pianphunga rualbanlo voters 5 te'n vote hi an thlak dawn a ni.

Home Voting Team-te hi Team 4 ah inthenin, an chhuah hma hian Election Officer Lalnunfela Chawngthu hovin an tihtur leh mawhphurhna hrang hrangte inhrilhhriat nawn leh a ni a. 2-Dampa (ST) AC bial chhung polling station 19 atangin, Home Voting dilna hi lut a awm a ni