Ather Electric Scooter 9 Ball Pool Championship 2025 ṭan, Lalrina leh Lawma Quarter Final an lut

Aizawl | Nov 10, 2025: Mizoram Snooker & Billiards Association (MSBA) buatsaih Ather Electric Scooter 9 Ball Pool Championship 2025 chu vawiin chawhma dar 10 khan Millennium Centre Atrium, Aizawl-ah khelh ṭan a ni.

November 10 - 15 chhunga khelh tur, Mizoram Snooker & Billiards Association (MSBA) player tha 24 rual fuankhawmna hian ngaihhlut a hlawh hle a, a hmuna entu an ṭhahnem hle.

Vawiin khan, Pool A in an khel a, Double Elimination hmanga khelh niin, race to 5 in an khel a, Lalrina Renthlei leh K Lallawmkima ten quarter final a inhawlh tling a ni.

Pool A-ah hian Lalrina Renthlei, Peter Lalrintluanga, K Lallawmkima, David Lalnunhlima, Alfred Lalnunfela leh John Lalthanpuia te an awm a. Naktukah pool D ten an khel dawn a ni.

November 11 - Pool D, Nov 12 - Pool B, Nov 13 - Pool C ten an khel dawn a ni.

Nov 14, 2025 ah Quarter Finals khelh a ni ang a, Nov 15, 2025 ah Semi Finals leh Final khelh a ni ang. Zing dar 10:00 aṭanga khelh ṭan ṭhin a ni dawn a, Millennium Centre ah inkhel a en theih reng dawn a ni.

Ather Electric Scooter 9 Ball Pool Championship 2025-ah hian qualify 24 an awm a, qualifying tournament hi MSBA Hall, Hawla Indoor Stadum-ah an lo khel tawh a, Player tha rual 24 in MC Atrium-ah pool an khel ṭan ta a ni.

Ather Electric Scooter 9 Ball Pool Championship 2025-ah hian main Sponsor hi Ather an ni a, NeXGen, Aidu Play, Atoca Tea (Nagaland Gold), Cafe Desire, Mahindra Tractors, Terrace Restaurant, Sharma Billiard Accessories, Pepperfry Bawngkawn leh Hotel Royale Lalawi te co - sponsor an ni.

Championship hi Aidu Play-ah live a pekchhuah a ni.

Player list leh an awmna pool:

Pool A | Nov 10, 2025

1. Lalrina Renthlei

2. Peter Lalrintluanga

3. K Lallawmkima

4. David Lalnunhlima

5. Alfred Lalnunfela

6. John Lalthanpuia

Pool B - Nov 12, 2025

1. PB Liansangzuala

2. Samson Lalnuntluanga