Aizawl | Nov 1, 2025: AAP Mizoram chuan nimin khan Dampa bial MLA inthlan (by-election) lo awm tur a, Oct 3-a Phuldungsei khuaa a campaign danah Cabinet Minister (PWD etc.) Vanlalhlana'n ram dan chiang takin a bawhchhia nia sawiin, Election commission of India hnenah hrem a nih ngei theih nan leh mipui a tithaih te thlavang hauh nan Deputy Chief Electoral Office James Miahlung hnenah thubuai an theh lut.
PWD Minister hian Phuldungsei khuaa a thusawi naah North East Special Infrastructure Development Scheme (NESIDS) hnuaiah Pukzing leh Silsury kawng, truck kal theihna a siam tura awm vek tawh, ZPM candidate Vanlalsailova a tling lo a nih chuan ngaituah nawn a ngai leh tur anga sawi a Dampa bial mipui te rilru a ti chi-ai a, hei hian The representation of the people act, 1951 leh The model code of conduct chiang takin a kalh a, tin, India Constitution hnuaia Article 19 (1) (a) hi a tiderthawng bawk a ni.
Tin, Cabinet Minister(Agriculture etc.) PC Vanlalruata'n kumin kumtira Local Council / Village Council inthlannaah a campaign naah hetiang ang chiah hian dan nasa takin a lo bawhchhe tawh a, ZPM Party kaihhruai Mizoram sorkar hian dan zawm leh ngaih pawimawh hi thupui berah nei tawh se tih hi kan chah tel nghal bawk a ni.
Tin, PWD Minister hian hetia dan bawhchhia a hun khawhral lo hian Mizoram hmun hrang hranga kawng chhe em em mek avanga mipui tawrhna hi siamtha vat zawk se, Mizoram mipuite kawng chhia avanga kan rum hi chingfel vat se kan ti em em bawk a ni.
PR.No.AAP.26/2024-25 Dated Aizawl : The 1st November 2025
Nimin khan AAP Mizoramte chuan kan hma lawka Dampa bial MLA inthlan (by-election) lo awm tur a,ni 03/10/2025-a Phuldungsei khuaa a campaign danah Cabinet Minister (PWD etc.) Pu Vanlalhlanan ram dan chiang taka a bawhchhia hi a pawi kan ti em em a, Election commission of India hnenah hrem a nih ngei theih nan leh mipui a tithaih te thlavang hauh nan vawiin khan Deputy Chief Electoral Office Pu James Miahlung hnenah thubuai kan theh lut.
PWD Minister hian Phuldungsei khuaa a thusawi naah North East Special Infrastructure Development Scheme (NESIDS) hnuaiah Pukzing leh Silsury kawng, truck kal theihna a siam tura awm vek tawh, ZPM candidate Pu Vanlalsailova a tling lo a nih chuan ngaituah nawn a ngai leh tur anga sawi a Dampa bial mipui te rilru a ti chi-ai a, hei hian The representation of the people act, 1951 leh The model code of conduct chiang takin a kalh a, tin, India Constitution hnuaia Article 19 (1) (a) hi a tiderthawng bawk a ni.
Tin, Cabinet Minister(Agriculture etc.)Pu PC Vanlalruatan kumin kumtira Local Council/Village Council inthlanna ah a campaign na ah hetiang ang chiah hian dan nasa takin a lo bawhchhe tawh a, ZPM Party kaihhruai Mizoram sorkar hian dan zawm leh ngaih pawimawh hi thupui berah nei tawh se tih hi kan chah tel nghal bawk a ni.
Tin, PWD Minister hian hetia dan bawhchhia a hun khawhral lo hian Mizoram hmun hrang hranga kawng chhe em em mek avanga mipui tawrhna hi siamtha vat zawk se, Mizoram mipuite kawng chhia avanga kan rum hi chingfel vat se kan ti em em bawk a ni.
Sd/-
Secretary
Mizoram AAP
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: