"youtuber-ten thu kan chhuahin thu dik changtlung ni se la, dawt thu-in hmun a chan loh nan fimkhur tlang ila," ~ Dr Mala

Aizawl | Oct 23, 2025: Mizo Youtuber Association chuan nimin khan Julie's Getaway, Tanhril-ah General Assembly vawi 2-na an hmang a, D3 Businesss Enterprise Proprietor Dr Lalmalsawma Nghaka'n a hmanpui.

Khuallian Dr Lalmalsawma Nghaka chuan, “Hman laiin Mizo ten tlangau kan nei thin a, chung hmang chuan mipuiin chanchinthar kan hre thin a. Tunlai khawvelah chuan traditional media aiin mipuiin chanchin thar hriat nan social media an hmang ber tawh em aw a tih theih a. India ram mai bakah foreign thlenga thil thleng kan hriatna hnar ber pakhat pawh youtube hi a ni tawh a ni.

Keini ramah pawh thingtlang kilkhawr ber thlenga miin thu thar kan ngaihthlakna ber pakhat chu youtube hi a ni a, chuvangin kan youtuber-ten thu kan chhuahin thu dik changtlung ni se la, dawt thu-in hmun a chan loh nan fimkhur tlang ila a tha hle.

Kan youtuber-te an pawimawhna em em pakhat chu politics thuthar thehdarhna kawngah a ni. Politics dik leh tlo kan neih a, thu dik a dingchang dawn a nih chuan kan youtuber-te hian nasa takin mawhphurhna an nei a. Mizote hian thu kan awih tlang hle a, hruai sual theih tak pawh kan ni. Kan youtuber te hian thu kan chhuahte hi Ram leh hnam hian a hlawkpui em tih ngaihtuah chungin hna thawk ila. Mizo mipui ten dawt tel lo, thu dik chauh an hriat theih nan theihtawp i chhuah chhunzawm zel ang u” a ti.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]