Sorkarin Mizo tharchhuah 25% a lei tawh dawn!; power line subsidy 300% in tipung! - C&I Minister

Aizawl | October 7, 2025: 'The Industrial and Investment Policy of Mizoram 2025' leh 'The Mizoram Procurement Preference Policy for MSEs 2025' chu vawiin khan Commerce & Industries Minister F Rodingliana'n  Vanapa Hall-ah a tlangzarh a, "Sorkarin Mizo tharchhuah 25% a lei tawh dawn!" a ti a, industry policy thar-ah "power line subsidy 300% in tipung!" a ti bawk..

Commerce & Industries Minister F Rodingliana chuan thusawiin, "Vawiin hi Industry tana Mel lung thar pakhat a nih ka beisei a. Industrial Policy hi kum 1989 khan duan niin, hei hi vawi 3 ennawnna a ni. An ennawn hian a tlangpuiin danglamna a tam vak ngai lova, tun anga inthlak danglamna nasa tak hi he Industrial Policy-ah hian a la awm ngai lo, a hlawhtlinna tur atan hian kum 7 hmalam atang khan Industry Owner atangin nawr a ni tawh a, vawiina a hlawhtlinna kan hmu thei hi a lawmawm hle a ni. Tun hma chuan ISPAT Company chauhvin kum 99 chhung plot allotment an neih laiin, a ram leilung fate chu kum 10 - 15 te chauh pek an ni thin a, hei hian Industry din duhte tan harsatna tam tak a siam thin. Tunah chuan heng kan harsatna zawng zawngte hi he policy tharah hian sut kian a ni dawn ta a ni. Industry din duh sum lama harsa deuh tan te pawh hei hi a chhenfakawm em em dawn a ni. Industry hi ram dinchhuahna atana pawimawh berte zing a mi a nih avangin tunah pawh hian kan ram dinchhuahna tur bul (New Beginning) kan tan tha leh dawn niin a hriat a. Industry Department ang hian hma chu kan la viau tawh naa hma chhawp a lo tam em avangin duh angin hma kan la chak thei lo a ni. Kan thalaite pawh sawrkar hnaa inbengluh sen a nih dawn loh avangin kan thalai lehkhathiamte pawh entrepreneurship lam hawi a he policy hi lo hmang tangkai turin ka sawm a ni. Man to tak takin lehkha kan zir a, hna a awm loh chuan Mutia hna pawh thawh ngam tur tih hi a ropui rualin, Mutia thawk tura zir kan nih loh chuan kan thiamna te mahni tana hna insiama tuchhuan thlenga rotling siamna turin hmun leh ram kan la nei a, hemi lamah pawh hian kan thalaite tan chona ka siam duh a ni. Khawvel changkang zawkah chuan Industrialist te hian ngaihpawimawh an hlawh a, kan ramah chuan Industry neitute tan chet lak a har em em a, theihtawpin Investment kan han ti a, a tawpah kan product hralhna a awm leh si lova, a buaithlak hle a ni. Hetiang harsatna sutkianna turin vawiinah 'The Industrial and Investment Policy of Mizoram 2025' kan tlangzarh thei ta hi a lawmawm tak zet a ni. ZPM Sorkar Policy hian Industry din duhte hi a ngai pawimawhin tunah pawh CM Special Package leh Hand Holding Policy hmangin mi tam tak a pui tawh a, puih zel pawh kan la tum a ni", a ti.

Commerce & Industries Minister chuan, "The Mizoram Preferential Store Purchase Rule hi kum 1994 daih tawhah khan kan nei chungin hman tangkai lutuk lo niin a hriat a. Industry neituten tangkai zawka kan hman theuhna turin kan han tlangzarh a ni a. Hei hi ZPM Sawrkar-in Policy-a kan lo neih tawh angin tihhlawhtlin a ni ta a ni. Hemi hmang tangkai tur chuan Industry neitute mai ni lovin kan official te pawh Industry neitute hmakhua ngai a, he Preferential Purchase Policy lo ni ta hi ngai pawimawh turin kan inchah a ni. Kan sawrkar hnu hian State investment atan cheng Nuai 98.61 Incentive Subsidy kan pe tawh bawk a ni. Thalai Industry din tak tak duh te tan hmun siam sak kan tum a, sorkar policy nen tangkawpin hma kan la dawn a ni. Industrial Estate Zuangtuiah mi 16 cancel tawh an ni a, IGC Luangmualah plot 7 cancel tawh a ni a, mi 30 chuang koh an ni tawh bawk a ni," a ti.

Khualzahawm Adviser to CM (Handholding) Dr KC Lalmalsawmzauvapawhin thusawiin, "Mizoram hian official-in Investment policy hi kan la nei ngai lova, a hma chuan Industrial policy kan nei a, Investment policy hi kan vawikhat neihna tur a ni. He sorkar hian vision a nei a, kan Chief Minister kaihhruaina hnuaiah Agriculture hi primary sector atangin Industrial sector a hlangkai turin hma kan la mek a ni. Handholding scheme-a dilna lut pawh 42% chu Industries kaihhnawih a ni a. Hei hian Mizo mipuite Industries lama kal turin kan hawi zawng a tilang a ni. Mizoram hi Industry awm lohna state tih theih tluk kan la ni a, Industries ah hian kum 35 velin State thenkhat hnungah kan la tlan a ni. Industries tinung tur chuan Industry a barh tur Raw material kan neih a ngai a, Mizo mipui tam zawk hi Agriculture-a innghat kan la nih avangin Agriculture atang bawkin bul kan tan a ngai niin kan hria a, thlai thlan bik 4 atangin bul kan tan a. Sorkar-in Agriculture atangin product a rawn siam ta a, buaipui tham kan nei ta a, Commerce and Industries Department ten tih tur tak tak an nei ta a ni. He policy tlangzarh tak hian special investment zone te pawh a keng tel a, tunah hian Thenzawl, Sairang leh Sihphir ramah te special investment zone tur thlithlai mek a ni bawk," a ti.

Mizoram Industries Owner Association President David Lalmuanpuia Fanai pawhin Policy thar tlangzarh a nih tak avangin Mizoram sorkar chungah lawmthu a sawi bawk.

Vawiin hun hman hi Commerce & Industries Director Dr H Lianzela IAS chuan a kaihruai a; Commerce & Industries Commissioner & Secretary Garima Gupta, IAS chuan Keynote Address pein; Commerce & Industries Joint Secretary Pinky Zosangpuii, MCS in kalkhawm te chunga lawmthu sawina hun a hmang a. Chawhnu lamah Commerce & Industries Department officer te hnen atangin Policy tlangzarh tak zirhona hun hman a ni bawk.

THALAI INDUSTRY DIN TAK TAK DUH TE TAN HMUN SIAM SAK KAN TUM A, SORKAR POLICY NENA TANGKAWPIN HMA KAN LA DAWN

- Pu F.Rodingliana, C&I Minister

Dated Aizawl. 7th.October.2025 : Vawiin khan 'The Industrial and Investment Policy of Mizoram 2025' leh 'The Mizoram Procurement Preference Policy for MSEs 2025' chu Pu F.Rodingliana, Commerce & Industries Minister in  Vanapa Hall-ah a tlangzarh. 

He hun hmannaah hian Dr KC Lalmalsawmzauva, Adviser to CM chu Khual zahawm niin; Pu F.Rodingliana, Minister chu Khuallian a ni. 

Pu F.Rodingliana, Commerce & Industries Minister chuan thusawiin, "Vawiin hi Industry tana Mel lung thar pakhat a nih ka beisei a. Industrial Policy hi kum 1989 khan duan niin, hei hi vawi 3 ennawnna a ni. An ennawn hian a tlangpuiin danglamna a tam vak ngai lova, tun anga inthlak danglamna nasa tak hi he Industrial Policy-ah hian a la awm ngai lo, a hlawhtlinna tur atan hian kum 7 hmalam atang khan Industry Owner atangin nawr a ni tawh a, vawiina a hlawhtlinna kan hmu thei hi a lawmawm hle a ni. Tun hma chuan ISPAT Company chauhvin kum 99 chhung plot allotment an neih laiin, a ram leilung fate chu kum 10-15 te chauh pek an ni thin a, hei hian Industry din duhte tan harsatna tam tak a siam thin. Tunah chuan heng kan harsatna zawng zawngte hi he policy tharah hian sut kian a ni dawn ta a ni. Industry din duh sum lama harsa deuh tan te pawh hei hi a chhenfakawm em em dawn a ni. Industry hi ram dinchhuahna atana pawimawh berte zing a mi a nih avangin tunah pawh hian kan ram dinchhuahna tur bul (New Beginning) kan tan tha leh dawn niin a hriat a. Industry Department ang hian hma chu kan la viau tawh naa hma chhawp a lo tam em avangin duh angin hma kan la chak thei lo a ni. Kan thalaite pawh sawrkar hnaa inbengluh sen a nih dawn loh avangin kan thalai lehkhathiamte pawh entrepreneurship lam hawi a he policy hi lo hmang tangkai turin ka sawm a ni. Man to tak takin lehkha kan zir a, hna a awm loh chuan Mutia hna pawh thawh ngam tur tih hi a ropui rualin, Mutia thawk tura zir kan nih loh chuan kan thiamna te mahni tana hna insiama tuchhuan thlenga rotling siamna turin hmun leh ram kan la nei a, hemi lamah pawh hian kan thalaite tan chona ka siam duh a ni. Khawvel changkang zawkah chuan Industrialist te hian ngaihpawimawh an hlawh a, kan ramah chuan Industry neitute tan chet lak a har em em a, theihtawpin Investment kan han ti a, a tawpah kan product hralhna a awm leh si lova, a buaithlak hle a ni. Hetiang harsatna sutkianna turin vawiinah 'The Industrial and Investment Policy of Mizoram 2025' kan tlangzarh thei ta hi a lawmawm tak zet a ni. ZPM Sorkar Policy hian Industry din duhte hi a ngai pawimawhin tunah pawh CM Special Package leh Hand Holding Policy hmangin mi tam tak a pui tawh a, puih zel pawh kan la tum a ni", a ti.

Commerce & Industries Minister chuan, "The Mizoram Preferential Store Purchase Rule hi kum 1994 daih tawhah khan kan nei chungin hman tangkai lutuk lo niin a hriat a. Industry neituten tangkai zawka kan hman theuhna turin kan han tlangzarh a ni a. Hei hi ZPM Sawrkar-in Policy-a kan lo neih tawh angin tihhlawhtlin a ni ta a ni. Hemi hmang tangkai tur chuan Industry neitute mai ni lovin kan official te pawh Industry neitute hmakhua ngai a, he Preferential Purchase Policy lo ni ta hi ngai pawimawh turin kan inchah a ni. Kan sawrkar hnu hian State investment atan cheng Nuai 98.61 Incentive Subsidy kan pe tawh bawk a ni. Thalai Industry din tak tak duh te tan hmun siam sak kan tum a, sorkar policy nen tangkawpin hma kan la dawn a ni. Industrial Estate Zuangtuiah mi 16 cancel tawh an ni a, IGC Luangmualah plot 7 cancel tawh a ni a, mi 30 chuang koh an ni tawh bawk a ni," a ti.

Khualzahawm Dr KC Lalmalsawmzauva, Adviser to CM pawhin thusawiin, "Mizoram hian official-in Investment policy hi kan la nei ngai lova, a hma chuan Industrial policy kan nei a, Investment policy hi kan vawikhat neihna tur a ni. He sorkar hian vision a nei a, kan Chief Minister kaihhruaina hnuaiah Agriculture hi primary sector atangin Industrial sector a hlangkai turin hma kan la mek a ni. Handholding scheme-a dilna lut pawh 42% chu Industries kaihhnawih a ni a. Hei hian Mizo mipuite Industries lama kal turin kan hawi zawng a tilang a ni. Mizoram hi Industry awm lohna state tih theih tluk kan la ni a, Industries ah hian kum 35 velin State thenkhat hnungah kan la tlan a ni. Industries tinung tur chuan Industry a barh tur Raw material kan neih a ngai a, Mizo mipui tam zawk hi Agriculture-a innghat kan la nih avangin Agriculture atang bawkin bul kan tan a ngai niin kan hria a, thlai thlan bik 4 atangin bul kan tan a. Sorkar-in Agriculture atangin product a rawn siam ta a, buaipui tham kan nei ta a, Commerce and Industries Department ten tih tur tak tak an nei ta a ni. He policy tlangzarh tak hian special investment zone te pawh a keng tel a, tunah hian Thenzawl, Sairang leh Sihphir ramah te special investment zone tur thlithlai mek a ni bawk," a ti.

Pu David Lalmuanpuia Fanai, President, Mizoram Industries Owner Association pawhin Policy thar tlangzarh a nih tak avangin Mizoram sorkar chungah lawmthu a sawi bawk.

Vawiin hun hman hi Dr H.Lianzela IAS, Director, Commerce & Industries Department chuan a kaihruai a; Pi Garima Gupta, IAS, Commissioner & Secretary chuan Keynote Address pein; Pi Pinky Zosangpuii, MCS, Jt. Secretary in kalkhawm te chunga lawmthu sawina hun a hmang a. Chawhnu lamah Commerce & Industries Department officer te hnen atangin Policy tlangzarh tak zirhona hun hman a ni bawk.

Written by

Eddie Lalhmangaihzuala

Secretary

Issued by

Media & Publicity Department

ZPM General Headquarters

Mizoram, Aizawl

Issue No. 201 of 2025

Dated the 7th.October