"Sorkar thar kha ding dihlipin kan thlir ve a, nghakhlek em em tu ka ni ve awm e. Mahse, hei hi kan thlen chin a ni. Rilru nat leh inchhir hi kan chan tur a ni tawh mai!" ~ Krista Roluahpuia

Aizawl | Oct 24, 2025: Krista Roluahpuia chuan, vawiin khan facebook-ah status update-in, "Sorkar thar kha ding dihlipin kan thlir ve a, nghakhlek em em tu ka ni ve awm e. Mahse, hei hi kan thlen chin a ni. Rilru nat leh inchhir hi kan chan tur a ni tawh mai!" a ti.

"ZPM facebooker-ho pawi kan sawi ve ta a ni ang. Mi chunga an tih ang thoin min rawn ti ve ta tlat mai," a ti bawk a ni.

Krista Roluahpuia Status update:

ZPM facebooker-ho pawi kan sawi ve ta a ni ang. Mi chunga an tih ang thoin min rawn ti ve ta tlat mai. Pu David Thawmthanga ( aka Lai Tta) hi vawi enge maw zat ka call a. A la duh miah lo mai a. Hetiang anga dawt chiang lutuka inpuhna hi chu kan chunga a tlak pawh kan ring phal ngai lova. Mahse, hetianga min titu hi ZPM Facebooker a nih avangin awm tihna pawh tam tak ka nei tho mai. Min puhna hi thu dik lo a ni. Amah hi Lawngtlai khua a ni a. Kan awmna pawh a inhlat lem lo. Fiamthu group a nih avangin ka post a ni a ti a ni awm mi thenkhatte hnenah chuan.

Sorkar thar kha ding dihlipin kan thlir ve a, nghakhlek em em tu ka ni ve awm e. Mahse, hei hi kan thlen chin a ni. Rilru nat leh inchhir hi kan chan tur a ni tawh mai! Chuvangin, tun atang hi chuan eng sorkar mah hi beiseina pek san vak a tulin ka hre tawh lo. Lo sorkar tawhte ang kha kan neih ve det det chuan a lawmawm viauin ka hre ta. Beisei pek san a, tan hmun lo khawh ve vak pawh hi rilru hahna mai a lo ni. A ral atanga lo thlir a, NOTA mai hi a awmzia ber dawnin ka hria.

Tin, ZPM lam pawh hetianga min beih zel hian in intichhe tulh tulh a ni. Party mi leh sa kan ni ve lo. Neutral, party awn lam nei lote avanga sorkar in ni ve takzet a nia. Hetiang zawnga politics lai kawih hi kan tihtlem a pawimawh hle bawk.