"ramchhunga hmeichhe cancer zingah hnute cancer a hluar, Mizoramah pawh cancer tam ber a ni!"

Aizawl | Oct 15, 2025: Manipal Hospital, EM Bypass chuan Breast Cancer Awareness Month pualin vawiin khan Aizawl Press Club ah thuthar thehdarhtute an kawm a, Mizoram atanga hnute cancer tam tak an enkawl dam tawh tih sawiin cancer zingah hnute cancer chu a hluar hle tih an sawi.

Manipal Hospital, EM Bypass hian vawiin khan Aizawl Press Club-ah thuthar thehdarhtute kawmin ramchhunga hmeichhe cancer zingah hnute cancer chu a hluar thu an sawi a, Mizoramah pawh cancer natna tam ber a nih thu sawiin mi thiamte chhut danin kum 2030 ah cancer chu kum tin mi nuai hnih vel hri kai thar hmuhchhuah an awm tura chhut ani an ti a, hemi kawngah hian mi tin te inven theih ani tih sawiin mipui hrilhhriat chu a pawimawh takzet tih an sawi.

Dr. Pooja Agarwal chuan hmeichhe hnute cancer vei an hmuhchhuah chu enkawl hma an nih chuan dam taka enkawl theih an ni a ti a, a hun taka enkawl annih theih nan mi tin te inven bakah mahni dinhmun hriatchian a pawimawh an ti a, hnute cancer vei ten an mimal nun thlenga a nghawng nasat zia leh hriatthiam an tulzia sawiin invenna tur leh a hun taka enkawlna chungchangah midang hrilhhriat a tul thu a tarlang bawk.

Manipal Hospital, EM Bypass hian Breast Cancer Champion’s Meet buatsaihin damlo an enkawl Juliet Lalruatmawii Ralte, kum 28 mi leh Lalruatfeli kum 33 bakah Zonunmawii kum 31 te chuan enkawl annih dan sawiin hmun hrang hrang an pan hnua an beidawn hnuah Manipal Hospital kalin an beisei aia tha enkawlna an dawn thu an sawi a, taksa damna mai piah lamah an enkawlna tha tak chuan rilru hahdamna a pe an ti a, enkawlna tha an dawn avanga damchhuak annih thu an sawi a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]