FEATURE | Pachhunga University College (PUC) Miss 2025

Pachhunga University College (PUC) Miss 2025 - Grace V.

Pic: AI

📌 Hming: Grace Vanlalmawii

📌 Koh dan: Grace

📌 Pianni: February 18, 2005

📌 Nu hming: Laldinliani

📌 Pa hming: Albert Lalhmangaiha

📌 Khua / Veng: Mission Veng, Aizawl

📌 Unau zat: Pathum - Mipa pahnih leh hmeichhia pakhat, a mi lai a ni.

📌 Lawina kohhran: Presbyterian Kohhran

📌 San zawng: 5’8 Ft

View this post on Instagram

A post shared by 🦢 (@grace_vlm)

📌 Zirna lam: St Paul’s Higher Secondary School atangin pawl 10 a pass a, Synod Higher Secondary School atangin pawl 12 a pass leh a, tunah hian Pachhunga University College (PUC)-ah BA (Psychology) 3rd Semester a zir mek.

📌 Hobby: La phiar leh Lam

📌 Duhzawng leh ngainat zawng hrang hrangte?

• Lehkhabu duh: Pride and Prejudice by Jane Austen

• Actor/Actress: Henry Cavill, Anne Hathaway

• Model: Bella Hadid

• Zaithiam: Mizoah chuan Lalrindiki Khiangte (Daduhi) Western Artistah chuan Daniel Caesar / Lana Del Rey

• Chawhmeh: Alu, Arsa

• Hla: The most beautiful thing - Bruno Major

• Hmun: Nature (Hmun thengthaw nuam)

• Rawng: White, Pink

• Ziaktu: Haruki Murakami

• Quote duh ber: ”We cannot become what we want to be by remaining what we are”

📌 Mize ngainat zawng:

Grace: Mi rilru zau, ngilnei, fiamthu duh leh nachang hria.

📌 Kawppui tura duhzawng?

Grace: Pathian tih leh innghahna tlak,zaidam,fiamthu duh leh ngainatawm.

📌 Aim in life:

Grace: Psychologist

# College Miss chungchang:

📌 Miss PUC 2025 nih hi i inring reng em?

Grace: Mahni rin thuah chuan ka inringin ka inbeisei hauh lo a, amaherawhchu, ka chhungte leh ka thiante rinna avangin theihtawp chhuahin tawngtaina nen tun dinhmun hi ka lo thleng ta a ni.

📌 Miss PUC 2025 in i nuna nghawng a neih?

Grace: He ka experience hian ka nunah huaisenna leh chona thar mahni duh thu ngawta ka phawrh chhuah zawh loh min phawrh chhuah sak a, chu mai bakah ka nitin nuna ka thiltih naah inrintawkna min pe a, theihna ka nei tih min zirtir a ni. He ka thil tawn hian Pathian thatzia min hmuh chian tir em em a, tawngtaina thil tihtheihzia ka hmuchhuak bawk.

📌 Miss PUC 2025 thlannaa tel chhan?

Grace: Kan professor ten duhsak takin min theh chhuak ve hlauh a, thu awih chu ka tihtur a ni tih hriain, kan department tan leh min beiseina tih thlawn ka duh loh avangin ka theihtawp ka chhuah chho ve ta a ni, ka tel ve ta kha ka inchhir lo .

📌 Modelling lam i tui em?

Grace: A hma kha chuan tuina hranpa leh thei turah ka inruat lo ve tawp a, mahse, tun hnu hian phurna thar chu min pe ve lutuk.

# Zawhna dang:::

1. A tel lova i awm theih loh:

Grace: Nitin a a tel lova ka awm theihloh chu mobile phone hi a ni ber awm e. Hman tangkaina a tam a, zirna atan te, mi dang te nena kan in biakpawhna ber a nih avang leh thil pawimawh dang ka dahna ber a nih avangin a tel lovin ka awm thei lo.

2. I nun kaihruaitu:

Grace: Ka nun kaihruaitu pawimawh berte chu Pathian leh ka nu leh pate hi an ni a. Kawng engkimah, harsatna ka tawh chang te, leh hlimna leh lawmna ka tawh chang ni te hian anni hi min tawiawm a, min tuamhlawm tu berte an ni a. Tin, Bible thute hian ka nunkawng thui tak min kaihruai bawk a ni.

3. Hringnuna i hlauh ber:

Grace: Ka hringnuna ka hlauh ber chu nun beidawnna hi a ni. Beidawnna hian mihring nun a ti hrehawm em em a,phurna a awmlo a, dam te a chakawm loh thin. Ka dam chhung chuan ka thil tih apiangah nuam ti leh phur taka thil hmachhawn zel ka duh a, ka duhna pawh puitlin theiloa nun beidawnna ka nei ang tih hi ka hlau ber a ni.

4. I tih ngai miah loh tur:

Grace: Ruihtheih thil leh dik lo taka sum hai luh hi ka thil tih ngai miahloh tur a ni. Chumi laka fihlim tur chuan Pathian hnenah ka dil thin.

5. Hloh i hlauh ber:

Grace: Mahnia inrintawkna ka neih hi hloh ka hlau em em a, mahni inrintawkna kan hloh chuan nunin hmasawnna a neih theiloh bakah nunin awmzia a nei thui theilo a ni. Tin, ka nu leh pate leh ka unaute hi ka hloh ka hlau em em bawk a, anni hi hlimna leh lawmnate, beidawnna leh harsatna ka tawh changa min lawmpuia min tawrhpuia, min fuih phur thin tute an nih avangin ka hloh ang tih ka hlau hle a ni.

6. Ngaihsan tur dik nia i hriat:

Grace: Pathian tih tak chunga rinawm taka thawk leh bei tang tang thinte hi ngaihsan tur dik tak niin ka hria. Midangte harsatna kawng hrang hranga tanpui inpeih reng mite, lakluh mila khawsa ngam leh hna sang an thawk emaw, hna hniam deuh an thawk emaw, rinawm tak leh dik taka thawk tlat thin mite hi ngaihsan tur dik niin ka hria.

7. Hlawhtlinna tura pawimawh:

Grace: Tawngtaia dil a, Pathian malsawm tlaka rim taka thawh hi hlawhtlinna turin a pawimawh a. Tin, Kawng tinrenga mahni inthunnuna nei tha (self-discipline nei tha) mi nih hi hlawhtlinna atan a pawimawh berin ka hria.

8. Mizo Tualzal nuna ṭha i tih:

Grace: Chhiatni thatni a kan intawiawm thatna te, Christian kan nihna anga inkhawm ngaih pawimawhte hi a tha a. Hnam dangte neih ve loh, Mizo tlawmngaihna, tanpui ngaite tanpui hrehlo mi kan nihna hi Mizo Tualzal nuna tha ka tih chu a ni.

9. Mizoram leh Mizo tualzal nuna Mizo hmeichhiate dinhmun:

Grace: Hnam dang tam takte aiin Mizo hmeichhiate hi Kristianna avangin nasa taka chawisanin kan awm mek a, mipate aia indahhniamna pawh hi Mizo te nunah a tlem viau tawh a ni. Dinhmun sang tak tak chelh te pawh Mizo hmeichhiate zingah kan tam ta hle a, hnam dangte ngaihtuah chuan Mizo hmeichhiate dinhmun hian hma a sawn nasa hle a ni.

10. Hnam ziarang chawinun kawnga Hmeichhiate mawhphurna:

Grace: Mizo hmeichhiate hi zirna avangte, hnathawhna avangte leh pasal neih avangtein hmun hrang hrangah kan awm darh nasa hle a, hetah tak hian mizo hnam ziarang chawinunna kawngah hmeichhiate hi kan mawhphurhna a sang em em a, mipate ai mahin kan mawhphurhna a sang zawkin ka hria a ni. Fate enkawl chungchangah te pawh hian pa aiin nuin fate a kaihruaiin a enkawl nasa zawk a, kan Mizo hnam ziarang chawinunna kawngah pawh mipa aiin hmeichhiate hi kan mawhphurhna a sang mah zawkin ka hria.

11. Mizote tan 'Fa neih tlem' inzirtir hi a ṭulin i hria em?

Grace: A tulin ka hre lo. Fa neih tam in zirtir tam sauh sauh hi a tul zawkin ka hria. A chhan chu Mizote hi hnam tlem te, chim ral tham lek kan ni a, hetih lai mek hian ruihhlo avangin thalai tam takin nunna an chan mek bawk si. Tin, Pathian thuin inthlahpunga, khawvel luahkhat tura min tihna hi kan theihtawpa zawm a tha ka ti a ni.

12. Mizo hnam ṭhanmawh bawk nia i hriat?

Grace: A hmasa berah chuan Pathian thu a hriata hriat mai nilova,a taka nunpuiloh hi Mizo hnam thanmawh bawk niin ka hria a. Tin, hlawhtlinna sang tak nei thei tura mahni line-a a thiam ber leh a tha ber ni thei tura hma la tak tak hi kan tlem em em a, hei hi kan thanmawh bawk zinga pakhat niin ka hria. Tin, ram hruaitute zingah ram hmangaihna avanga politics a zuanglut lova, eizawnna atana zuanglut hi a tam zawk an niin ka hria a, an hna a pawimawh bawk si a, ramin hma a sawn tur angin hma a sawn theihloh phah a, Mizo hnam thanmawh bawk niin ka hre bawk. Kan thalaite Ruihhlo bawihah an tang nasa bawk a, hei hi a pawi em em a, hnam thanmawh bawk zingah ka ngai bawk a ni.

13. Zirna, Khawtlang leh Kohhran hi?

Grace: Mihring nuna thil tangkai vek an nih avangin in balance thiam hi a pawimawh ka ti a, amaherawhchu, inhman thiam dan tawk hriat hi a tulin ka hre bawk.

14. Khawtlang, Kohhran leh nangmah:

Grace: Kohhran lamah ka phak tawkin ka inhmang ve thin a, chu chuan Pathian hnaih kawngah min pui nasa em em a. Khawtlang lamah ka phak leh hman dan ang zelin thawk chhuakin midang tan tangkai ka tum ve hram hram bawk thin.

15. Social Media leh Nangmah:

Grace: Social media hi midang ang bawkin ka hmang ve khawp a, ka zirlai atan a min puitu tangkai tak a ni a, tin, midang te nen a inkawm ho nan ka hmang tangkai em em bawk.

16. Mizoram ṭhalai tam tak tlakchham:

Grace: Mizoram thalai tam tak tlakchham nia ka rin leh ka hmuh dan chu insumtheihna hi a ni.

17. Mizo ṭhalaite hian ngaihsan tur dik an ngaisangin i hria em?

Grace: Chi hnihin a sawi theih awm e. Thalai tam takte chuan ngaihsan tur dik an ngaisang thiamin ka hria a,thenkhatte erawh chuan ngaihsan tur dik lem lo, entirnan entertainment lam huang ringawt ngaisak pawl tam tak an awm a, hengte hian anmahnia hmasawnna tur tam tak an neihah te a tibuai pha hle zawkin a hriat a, dinhmun sang tak an thlen tur an thleng phaklo fo thin niin ka hria.

18. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?

Grace: Ring lutuk e, thleng thei tur chuan hnam bil / chi bing intihbikna hi bo thei se. A hmasa ber atan chuan mi tin te hi kan pawimawh vek a, kan danglamna leh kan hnam zia theuh te inhriatthiam sak a, inpawmpui a nun ho zir hi a tul hlein ka hria.

19. Hnam dang nupui pasal neih hi:

Grace: Hnam dang nupui pasal neih hi a tha ka tilo a, a chhan chu hnam dang nen chuan kan duh dan leh kan nunphung te a lo inang lo a, chhungkaw inrelbawl dan te a lo inang lo bawk a, nupa inkarah ngaihdan leh duh dan inan lohna te leh harsatnate a lo tam duh bik. Chuvangin, mahni hnampui ngei nupui pasala neih hi tha ka ti ber a ni.

20. Nupui pasal neih hmaa mipat hmeichhiatna hman hi:

Grace: Tha ka ti lo a, Kristian kan ni a, Pathian thuin min zirtir angin nupui pasal neih hmaa mipat hmeichhiatna lo hman hi thil sual lian tak a ni. Pathian leh Kohhran pawhin a duh lo a, inchhirna rilru damchhunga neih theihna a nih avangin tha ka ti lo hle.

# EXPLOREMIZORAM.COM i hmuh dan:

Grace: Explore Mizoram hi a bengvarthlak ka tiin thil hriatna kawngah pawh min ti vartheitu-ah ka ngai. Tin, hnampui inchawisan kawngah te pawh malsawmna a niin ka hre bawk.