MIZO IDOL | Top 20 intihsiakna zan hnihna chu zaninah chhunzawm dawn

Aizawl | Oct 10, 2025: LESDE Mizo Idol Season 8, top 20 intihsiakna zan hnihna chu zaninah chhunzawm a ni dawn.

Zonet buatsaih LESDE Mizo Idol Season 8 intihsiakna neih mekah nizan atang khan top 20 intihsiakna hi tan a ni a, Top 20 intihsiakah hian contestant-te chu hla 2 ve ve sa tura tih an nih angin zaninah hian nizan lama an hla sak ni lo, Mizo hla dang pakhat an sa leh dawn a, intihsiakna hi zanin dar 8 atangin Zonet Zawlbuk, Zonet Youtube Channel leh Zonet Application - Empai-ah Live a pekchhuah a ni.

Top 20 intihsiakna result chu nak zan dar 8-ah puan a ni dawn a. Kum danga tih thin angin Top 20 intihsiaknaa Contestant-te zai lai chu Zonet Youtube, Facebook leh Instagram-ah a ruala post a ni a, top 20 intihsiak zan hnih-a contestant-te zai belhkhawma entu ngah ber chu Top 10 an inhlangkai dawn a. Top 3 hnulamah chuan "Entu ngah ber" hi Judge pakhat anga ngaih a ni thung dawn a ni.

Top 20 intihsiaknaah hian Contestant-te hman turin Acaustic Guitar, Keyboard leh Cajon chhawp a ni a, top 20 atang hian a tha zual 10 thlan chhuah tur niin, top 10 intihsiakna chu Mualpui-a R. Dengthuam Hall-ah neih a ni tawh dawn a, top 10 intihsiakna chu Sound Track hmanga neih tur niin, top 5 atangin Live Music hmanga intihsiakna hi neih tura ruahman a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]