". . loh theih lohva, FCAA 2023 dodalna Total Bandh neih a ngai ta hi a pawi kan ti a, mipui thlawpna kan ngen," ~ MNF

Aizawl | Oct 28, 2025: Mizo National Front (MNF) chuan, ". . loh theih lohva, FCAA 2023 dodalna Total Bandh neih a ngai ta hi a pawi kan ti a, mipui thlawpna kan ngen," an ti.

"Mizo National Front Rorelna sang National Executive Meeting (High Command) in alo rel tawh angin loh theih lohva, FCAA 2023 dodalna Total Bandh neih a ngai ta hi a pawi kan ti a. He Act an pawmna hnukkir leh tura Sawrkar kan ngenna in awmzia a neih tak loh avangin, hnukkir leh tura zoram mipuiin kan ngenna a taka kan lantir theih hun buatsaih alo ngai ta a ni," tiin vawiina MNF thuchhuah chuan a tarlang.

MNF chuan, "Kan ram hi kan ta, midangte thuneihna tur ni lovin, keimahni mipuite thuneihna tur a ni." an ti a.

"Dan Sakei, Zoram pumpui Forest neilova min chhuahtu leh kan inhumhimna dan hlu ber Art. 371G engmahlova chantirtu FCAA 2023 hi kan hnawl ngam a ngai a. Hemi ngiat nana Total Bandh ni 29.10.2025(6Am - 4Pm) hi min thlawp a, hemi nia duty a fehchhuakte min zah sak vek turin MNF chuan Mipuite kan ngen tak meuh meuh a ni,"

"Kan ram, kan Hnam leh kan Sakhaw humhim nan he Bandh hmang hian Zoram mipuiten kan awmhmun theuha thlawpna min pek vek kan beisei a. Mipui thiltihtheihna hmanga he Dan tha lo hi hnawl a nihna a taka lantir theitu  vek kan nihna hre renga, tluang taka he Bandh hi neih a nih ngei MNF chuan kan beisei tlat a ni.," tiin an tarlang bawk.

Mizo National Front

General Headquarters

Aizawl, Mizoram

Press Release

FCAA 2023 DODALNA TOTAL BANDH NEIH TURAH MIPUI THLAWPNA KAN NGEN TAKZET.

- MNF

Mizo National Front Rorelna sang National Executive Meeting(High Command) in alo rel tawh angin loh theih lohva, FCAA 2023 dodalna Total Bandh neih a ngai ta hi a pawi kan ti a. He Act an pawmna hnukkir leh tura Sawrkar kan ngenna in awmzia a neih tak loh avangin, hnukkir leh tura zoram mipuiin kan ngenna a taka kan lantir theih hun buatsaih alo ngai ta a ni.

Dan Sakei, Zoram pumpui Forest neilova min chhuahtu leh kan inhumhimna dan hlu ber Art. 371G engmahlova chantirtu FCAA 2023 hi kan hnawl ngam a ngai a. Hemi ngiat nana Total Bandh ni 29.10.2025(6Am - 4Pm) hi min thlawp a, hemi nia duty a fehchhuakte min zah sak vek turin MNF chuan Mipuite kan ngen tak meuh meuh a ni.

Kan ram, kan Hnam leh kan Sakhaw humhim nan he Bandh hmang hian Zoram mipuiten kan awmhmun theuha thlawpna min pek vek kan beisei a. Mipui thiltihtheihna hmanga he Dan thalo hi hnawl a nihna a taka lantir theitu  vek kan nihna hre renga, tluang taka he Band hi neih a nih ngei MNF chuan kan beisei tlat a ni.

Kan ram hi kan ta, midangte thuneihna tur ni lovin, keimahni mipuite thuneihna tur a ni.

Sd/-

(LALLENMAWIA JONGTE)

Secretary

Media & Publicity Deptt.

Mizo National Front

Memo No. 364/2025

Dt.28.10.2025