Kawngpui chhiat lutuk avangin Oct 16 aṭangin Mamit-ah kawngpui dan tum!
Aizawl | Oct 14, 2025: All NGO'S & Commercial Vehicles Association, Mamit chuan, Mamit district kawngpui chhiat lutuk avangin, October 16 aṭangin lirthei eng chi mah tlang lo tura kawngpui dan an tum.
All NGO'S & Commercial Vehicles Association, Mamit chuan vawiin khan thuchhuah siamin, "Sawrkarin siam tha tura a taka hma min lak sak hma loh chuan October 16, 2025 (Ningani) atangin heng kawngpui - Mamit to Aizawl, Mamit to Bairabi leh Mamit to Zawlnuam te hi tiam chin awm loin eng Lirthei mah kal tlang theih loh tura dan chah ni se," an ti a.
All NGO'S & Commercial Vehicles Association, Mamit chuan chuan, "October 4 - 12, 2025 chhung Sawrkar hmalakna nghakin an ngaichang a, Sawrkar hmalak dante a hmun ngeiah kalin an enfiaha. He hmalakna leh ngenna hi Sawrkarah beiseina sang tak nena an thlir mek laiin hmalakna mumal leh beisei anga hnathawh a awm lo tih an hmuh vanga he thutlukna hi siam ta an nih thu an tarlang.
"Mamit District mipuite hetianga hma lak a ngai ta mai hi a pawi kan ti a, kawng hrang hranga harsatna thleng thei lakah mipuite hriatthiamna leh thlawpna kan ngen," an ti bawk.
ALL NGO'S MAMIT & COMMERCIAL VEHICLE ASSOCIATION, MAMIT
PRESS RELEASE
Date. 3rd October, 2025.(Zirtawpni) a, All NGO'S MAMIT leh COMMERCIAL VEHICLE ASSOCIATION MAMIT Joint Committee, Siamliana Hall, Mamit a thukhawm chuan Mamit District tana chak lakna leh veivahna Motor kawngpui pawimawh Mamit to Aizawl, Mamit to Bairabi leh Mamit to Zawlnuam te chu lirthei eng chi tan pawh kal hleih loh khawpa chhia chu pawi a tiin chhuanlam ho te te siam tawh lova a rang thei ang bera siam that a nih theih nan Mizoram Sawrkar chu thuchhuah siamin a lo ngen tawh a.
October 4 - 12, 2025 chhung Sawrkar hmalakna nghakin a lo ngaichang a, Sawrkar hmalak dante a hmun ngeiah kalin enfiah a ni a. He hmalakna leh ngenna hi Sawrkarah beiseina sang tak nei a, kan thlir mek laiin hmalakna mumal leh beisei anga hnathawh a awm lo tih hmuh a ni.
Kan dinhmun hetiang hi a lo nih tak avangin October 13, 2025 (Thawhtanni zan) Dar 7:00 PM-ah Siamliana Hall Mamit-ah kan hmalak zel dan tur Joint Meeting neih leh a ni a, kan kawngpuite hi Sawrkarin siam tha tura a taka hma min lak sak hma loh chuan October 16, 2025 (Ningani) atangin heng kawngpui - Mamit to Aizawl, Mamit to Bairabi leh Mamit to Zawlnuam te hi tiam chin awm loin eng Lirthei mah kal tlang theih loh tura dan chah ni se kan ti.
Mamit District mipuite hetianga hma lak a ngai ta mai hi a pawi kan ti a, kawng hrang hranga harsatna thleng thei lakah mipuite hriatthiamna leh thlawpna kan ngen e.
Dated: 14th October, 2025
Place: Mamit
(K.LALTHLANDIKA)
Secretary,
All NGO'S & Commercial Vehicles Association, Mamit
(VANLALREMRUATA)
Chairman
All NGO'S & Comercial Vehicles Association, Mamit
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: