Kawng chhiat avanga nuar mek sorkarin a mante thu delhkilh awm lova chhuah an phut

Aizawl | Oct 23, 2025: MNF chuan thuchuah siamin, Kawng chhiat avanga nuar mek sorkarin a mante thu delhkilh awm lova chhuah  an phut.

"Mizoram mamawh chak lakluhna ber, kawng chhiat nasat lutuk avanga rang taka siamthat ngiata nuar mek, Kolasib District Drivers & Owwner's Joint Action Committee (KDDOJAC)te chu Mizoram Sawrkar chuan vauna chi tinrenga a vau hnuah, vawiin ni 23.10.2025 hian an man ta a. Heng an mi mante hi thu delhkilh awm lova, a rang thei ang bera chhuah zalen turin Mizoram Sawrkar kan phut a ni," an ti a.

Video @ https://www.youtube.com/watch?v=fDj5L_b3NEo

ZPM sawrkar chuan kawng siam nan chhiah thahnem tak mipuiah khawnin, Sawrkarna an chan atanga khawthat hun chhung zawnga kawng siamtha duh lova, mipui lungawilo tam tak thawm a rik hnu, ruahtui nasa tak a tlak hnuah a siamthat hna a thawk tan ve chauh a. Kawng chhe vei ber anga lan tumin an Minister leh MLA ten lansarh khelin kawng siam an vil a, rei vil peih lovin, kawngchhe siam lahin hma a sawn mawh em em a, hei hi lirtheia eizawng Driver leh Motor neitute tan chuan manganna tawpkhawk a ni. Mipui mamawh lakluhna ber kawngchhia hi Mizoram sumdawng leh mipui zawng zawngte tan harsatna namenlo thlentu a ni.

An chanvo ngiata kawngtha neih thuai phutin KDDOJAC te chuan kawngpui danchah hna thawkin Sawrkar an karna kalmekah, Mizoram Sawrkar chuan fate lungawilo chu tihlungawi tum aiin, a thuneihna changchawiin vau chi tinrengin a vau a. Police tha chakna hmangin Tanina dah turin an mankhawm ta hi a pawi kan tiin, heng an mankhawmte harsatna leh phutte hi a rang theiang berin tihhlawhtlin sak se. An mankhawmte pawh hi a rang thei ang bera chhuah zalen kan phut a. An thilphut tihlawhtling tura thlawp kawngah MNF chuan theihtawp chhuah a inhuam reng a ni.

Mizo National Front

General Headquarters

Aizawl, Mizoram

Press Release

*KAWNG CHHIAT AVANGA NUAR MEK JAC HOTUTE MIZORAM SAWRKARIN A MAN TE THU DELHKILH AWM LOVA CHHUAH ZALEN KAN PHUT*

Mizoram mamawh chak lakluhna ber, kawng chhiat nasat lutuk avanga rang taka siamthat ngiata nuar mek, Kolasib District Drivers & Owwner's Joint Action Committee (KDDOJAC)te chu Mizoram Sawrkar chuan vauna chi tinrenga a vau hnuah, vawiin ni 23.10.2025 hian an man ta a. Heng an mi mante hi thu delhkilh awm lova, a rang thei ang bera chhuah zalen turin Mizoram Sawrkar kan phut a ni.

ZPM sawrkar chuan kawng siam nan chhiah thahnem tak mipuiah khawnin, Sawrkarna an chan atanga khawthat hun chhung zawnga kawng siamtha duh lova, mipui lungawilo tam tak thawm a rik hnu, ruahtui nasa tak a tlak hnuah a siamthat hna a thawk tan ve chauh a. Kawng chhe vei ber anga lan tumin an Minister leh MLA ten lansarh khelin kawng siam an vil a, rei vil peih lovin, kawngchhe siam lahin hma a sawn mawh em em a, hei hi lirtheia eizawng Driver leh Motor neitute tan chuan manganna tawpkhawk a ni. Mipui mamawh lakluhna ber kawngchhia hi Mizoram sumdawng leh mipui zawng zawngte tan harsatna namenlo thlentu a ni.

An chanvo ngiata kawngtha neih thuai phutin KDDOJAC te chuan kawngpui danchah hna thawkin Sawrkar an karna kalmekah, Mizoram Sawrkar chuan fate lungawilo chu tihlungawi tum aiin, a thuneihna changchawiin vau chi tinrengin a vau a. Police tha chakna hmangin Tanina dah turin an mankhawm ta hi a pawi kan tiin, heng an mankhawmte harsatna leh phutte hi a rang theiang berin tihhlawhtlin sak se. An mankhawmte pawh hi a rang thei ang bera chhuah zalen kan phut a. An thilphut tihlawhtling tura thlawp kawngah MNF chuan theihtawp chhuah a inhuam reng a ni.

Sd/-

(LALZAWMLIANA)

Jt. Secretary

Media & Publicity Deptt.

Mizo National Front

Memo No. 359/2025

Dt.23.10.2025