INC Candidate John Rotluangliana'n nomination a file

Aizawl | Oct 18, 2025: Dampa bial bye-election lo awm tura INC Candidate John Rotluangliana chuan vawiin khan Mamit-ah Returning Officer Malsawmzuala hnenah Nomination a file.

John Rotluangliana chuan thuthar thehdarhtute zawhna chhang in, "Tun by election ah hian tlin ngei ka inring a, ka tlin chuan tuna Dampa bial harsatna kawngpui chhe lutuk hi siamthat a nih theih nan hma ka la ang a. Hriselna lamah te, zirna lamah leh kawng hrang hranga hma an sawn theih nan theihtawp ka chhuah ang. 

Ka sawi ṭhin ang khan Dampa Congress MLA ni tura lo kal ka ni lo, Dampa bial mipuite MLA ni tura lo kal ka ni, Dampa bial mipuite pawh hian an belh ngam ber leh harsatna an thlen ngamna ber tur ka ni.

"Helai hmuna min tawiawmtu MPCC hruaitute, Dampa Block hruaitute leh Mamit Central block hruaitute chungah ka lawm em em a, a bikin Dampa bial mipuite min thlawpna avangin ka lawm em em bawk a, an vote hlu tak min pe theuh turin ka ngen a ni" a ti.