I THLARAU ZUNG CHU ENGTIN NGE I ṬHAN TIR?

_Pathian Aw Hriat_

- Rick Warren

- Oct 6, 2025

“Tin, pialtlep chunga mi chu heng mi hi an ni; an hriat veleh thu chu lawm taka pawmte hi; nimahsela, zung reng an nei lo, rei lo te chauh an awih a, thlem an nih hunin an bansan leh thin.” Luka 8:13.

Fur lai chuan Southern California-a hnim zawng zawngte chu an hring ṭhina, ram pangparte leh hnim chi hrang hrangte chu an par a, an mawi hle a ni. Mahse, ruahtui a lo tawpa, tlang te chu a lo ro leh ta a. Engnge a chhan? Achhan chu hnim chuan zung pawn lang takah a neih vang a ni. Hnim zungte chu an pawn lang em ema, fur lai anga tui hip turin lei atanga thuk takah an zuk chhuk theilo a ni.

Zung pawn lang tak nei thlai chu, a tirah ṭiakin lang ṭha mahse, an daih reilova reiloteah an vuai mai ṭhin a ni. Chutiang chiah chu i thlarau nun pawh a ni. Eng sik leh sa pawh paltlang turin, zung thuk taka kaih i mamawh a ni.

Luka 8:13 ah heihi kan hmu a, “Tin, pialtlep chunga mi chu heng mi hi an ni; an hriat veleh thu chu lawm taka pawmte hi; nimahsela, zung reng an nei lo, rei lo te chauh an awih a, thlem an nih hunin an bansan leh ṭhin.”

 

Achang chuan Pathian Thu i ngaihthlakin nangmah inthlak danglam pawh tum lem lovin i lo phur viau maithei a ni. Atthlak takin i che a. Rilru no takin i chhangleta. Ngaihtuah mang lovin i che ṭhin. Amaherawh chu Thu chu nangmahah inchiah turin hun i nghak theilo a ni.

Chutianga awm chu i duh tak zet em? Ni lo! Nun pawn lang tak neih chu i duh lova, nun thuk tak neih i duh a ni. Thlarau zung thuk tak kaih i duha - chutichuan chawlh hun te pawh lo thleng se, kum tam tak i daih anga, rah i chhuah zel thei dawn a ni. Thli na taka lo tlehin in chhungkua a mi damlo emaw i ṭhian hnai zinga mi mitthi pawh lo awm ta sela emaw, harsatna dang lo awm emaw pawh chuan a chhem leng zo lo vang che, achhan chu zung nghet tak i kaih avangin.

I thlarau zung chu engtin nge i ṭhan tir le? Nitin Pathian nena inpawlin hun hmangla, i ringtu pui dangte nen kartin hun hman tum bawk ang che. Nangmaha Pathian nena inpawlna hun neila, i ringtu pui midangte nena hun hman tum bawk ang che.

Nitinin Pathian nen in inpawl loh chuan, hun harsaah ilo ro anga, chhem bovin i awm mai ang. Nangmah chauh chuan i in chingfel thei lovang. Nitin Pathian nena hun in hmannaah ngaihthlak tum ang che. Ṭhu la, ngawi rengin hun hmang rawh. Bible chhiar la Pathian bia ang che. Hla te pawh ngaithla la. Thil i ziak peih anih phei chuan ziak ang che. Pathian lam i ngaihtuah theihna thil chu engpawh ti ang che.      

Kartin a inhmu khawm thei tur pawl emaw ṭhianho emaw i mamawh bawk a ni. Mi tumah nun thlir thiam vek an awm lo. Mawlmang taka khawsa ve chawt te kan ni hlawma. In ṭhianho emaw pawlho emaw chuan i hmuh theihloh thil te chu an hmuhsak theih che a ni. Chuvang chuan kan in mamawh tawn ṭheuh a ni. In pawl emaw thianho emaw in fuih tawnna aṭang chuan thil thar in zir chhuaka, thuk zawkah in zung te chu a kaih ta ṭhin a ni.

Reiloteah emaw nakin deuhah emaw, i nun chuan hun harsaah a hruai thleng ang che a. Zawhna ni ta chu chung hunah te pawh chuan dam khaw chhuak tur leh ṭhanglian turin zung thuk tak i kaih dawn em tih hi a ni.

Ngaihtuah zui atan

* I thlarau zung chu a pawn lang nge a thuk? I nuna thil thleng eng in nge atakin a lan tir?

* Nangmah chauha Pathian nena inpawlna hun hman nge nuam i tiha, i Kristian pui dang te nena hun hman nuam i tih zawk? Engvang nge?

* Thlarau zung thuk zawka kaih tura ṭhanglian turin i nunah eng thil nge a taka thlak danglam i duh le? 

*[Lettu: Sangpuia]*