GTRC zirlaite'n WDC-PMKSY scheme hnuaia hmalakna an zirchiang

Aizawl | Oct 14, 2025: Govt T Romana College-a BA (Sociology) 5th semester zirlaite leh zirtirtute chuan vawiin khan Rural Development Department buatsaihin Watershed Development Component - Pradhan Mantri Krishi Sinchayee Yojana (WDC-PMKSY) scheme hnuaia hmalaknate an zirchiang.

Govt T Romana College zirlaite leh zirtirtute hian Lamchhip, Chawilung leh Chamring khua te an tlawh a, Rural Development Department-in Watershed Development Component-Pradhan Mantri Krishi Sinchayee Yojana (WDC-PMKSY) scheme hnuaia hma an lakna leh hmalak dan te a hmunah kalin an zir chiang.

Zirlaite hi group 6-ah inthenin, group tin hian WDC-PMKSY in mipui, lo neitu leh huan neitute tan engnge a thlen tih chu a chhawrtute ngei atangin an zir chiang a, scheme an hlawkpui dan te an zirchiang a ni.

Zirlaite hian, zawhna chi hrang hrang hmangin an zir chiang a, an thil hriat lehhmuhte an chhinchhiah zel a ni.

1. WDC-PMKSY in tuihna a tipung / tipung lo.

2. Environment / Torest humhim / venhim kawngah a pui em?

3. Nungcha, Sava te an pun phah em?

4. Social Audit neih a nih dan.

5. An thlai thar a pun phah em?

6. Khawtlang mipuiten he scheme a hlawhtlinna tura tha an thawh dan?

He hunah zirlaite'n heng zawhna parukte rilru-a dah chungin an zirchiang a, Zirlai 45 leh Zirtirtu pali an kal a, Watershed Development Component-Pradhan Mantri Krishi Sinchayee Yojana (WDC-PMKSY) scheme hnuaia hmalakna leh hmalak dan an zirchian hi Zirlaiten hlawkthlak an ti hle.