FCAA chungchangah hian MNF leh ZPM te hi inbei tur bik an awm lo, mawhphurtu an ni ve ve! ~ MPCC
Aizawl | Oct 29, 2025: MPCC chuan vawiin khan thuchhuah siamin, "FCAA duhlotu tak tak chu Congress party chauh kan ni," an ti.
PRESS STATEMENT
FCAA chungchangah hian MNF leh ZPM te hi inbei tur bik an awm lo, mawhphurtu an ni ve ve
MPCC chuan Parliament a Forest (Conservation) Amendment Act (FCAA), 2023 siamtu BJP leh a thawhpui National Democratic Alliance (NDA) sorkar kan dem a. He dan ṭhalo tak pawmpuina resolution Mizoram Assembly House-ah ZPM sorkar in a lo passed hi Mizoram tana pawi tak a nih avangin ṭha kan ti lo takzet.
Dt 26th July 2023 ah FCA Bill Parliament a sawiho a nih khan Congress MP ten nasa takin an dodal a. He bill hi Congress MP ten nasa taka an dodalna karah Parliament a passed a ni a. Khami bill passed a nih nî khan MNF MP (LS) pawh Parliament-ah BJP te lamah a ṭhu ngei a ni. MNF hian he FCAA hi an dodal tak tak a nih chuan he dan siamtu BJP an thawhpuina NDA hi chhuahsan se la, BJP nen an thawhdunna hi chhuchat ngam rawh se.
October 15, 2025 khan MPCC President Pu Lal Thanzara chuan AICC hotute Delhi ah hmuin FCAA chungchang a sawi pui a. Mizoram map te en hovin international boundary aṭanga 100 kms huam Myanmar leh Bangladesh karcheh chhung kan nih deuh vek dan te a sawi a. AICC Gen. Secy Pu KC Venugopal chuan Congress in thuneihna kan chan veleh he FCAA hi kan ennawn nghal ang a lo ti a ni.
Kum 2019 MP inthlan dawnah Citizenship Amendment Bill (CAB) kan do ang tiin MNF an intiam nasa a. Mahse thlantlin an nih hnuah Lok Sabhaah a bill support tu an ni leh si a. CAB an support chhan NE States a huam ve lo nia an sawi ang khan, FCAA in NE states huamtir ve lo tura an thawhpui NDA sorkar an nawr thlu thei a nih loh chuan, FCAA dan passed tu te zingah MNF MP an tel avangin he dan hi do ve thei an ni lo tih leh Dampa bye-election vote zawnna avanga total bandh neiah MPCC chuan MNF te hi kan ngai a ni.
Chief Minister in YMA khawmpuilian Sakawrdaia neihah FCAA huam chin tur international boundary aṭanga km 10 nia a sawi hi thudiklo a ni a. CM hian thupha a chawi lo a nih chuan thudiklo hmanga FCAA hlauhawmlo anga mipui zirtir tumna niah MPCC chuan a ngai.
Dampa bial hi Bangladesh hnaihte an nih avangin FCAA tuar ber tur an ni a. Chuvangin he dan ṭhalo tak passed tu zinga tel BJP leh an thawhpui MNF te, Mizoram Assembly a resolution passed a lo pawm tu ZPM te hi Dampa bial mipui ten lo hnawl turin kan ngen che u a ni.
FCAA duhlotu tak tak party chu Congress party chauh kan ni e.
Issued by Mizoram Pradesh Congress Committee
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: