Dr Thangtea'n Dampa bial mipuite khawngaih vote a dil

Aizawl | Oct 22, 2025: 2 Dampa (S/T) Assembly Constituency by-election a MNF official candidate Dr R Lalthangliana, chuan vawiin October ni 22, 2025 (Nilaini) hian Bawngthah, Darlung, S Sabual, Bawlte leh Kanghmun te a tlawh a. Hnathawh tul vanglai tak a nih lai a, amah lo dawngsawngtu party hruaitute chungah lawmthu a sawi.

Dr Thangtea chuan lu sun mek party an ni tih sawiin, hun lo takin a nau Dampa bialtu MLA Pu Rintluanga'n chatuan ram a pan san tak bial ruak hnawhkhah a ngaih avanga hotute thu awiha ding a nih thu a sawi. Pu Rintluanga hmachhawpte chhunzawm a nih theihna tur te, a theihna zawng zawngin Dampa bial tan hmalak a tum thute leh Dampa bial atanga bul tana Mizoram tan tih takzeta inpumpek a tum thu a sawi a. He mi tihlawhtling thei turin party thliar lovin Dampa bial mipui zawng zawng khawngaih vote a dil a ni.

Dr Thangtea hian vawiin zing khan Darlung ZPM Unit Joint Secretary (MP Royte tia hriat lar, Dampa ZPM Media fighter) Lalmuanpuia Royte chu membership fee pein MNF-ah a lawmlut nghal.