". . Dampa bialah Congress Party pung zel; Congress Party-ah mipuiin rinna an nghat mek zel..." - MPCC President

Aizawl | Oct 30, 2025: Dampa bial chhung khaw hrang hrang fang mek MPCC President Lal Thanzara, MPCC Vice President leh Congress Candidate John Rotluangliana, MPCC Vice President C Ngunlianchunga MLA, MPCC Adviser & Ex-Minister Zodintluanga, Ex-Minister Nihara Kanti Chakma te chuan Marpara, Pukzing Vengthar, Lenbuang (Bekabekya), Hnahva leh Silsury te tlawhin Congress Party zawmtu mithar 159 an lawmlut.

He huna thusawitu MPCC President Pu Lal Thanzara chuan, MNF leh ZPM te'n an tlin lohin hla key an la a, an uai thla leh tawh a. Congress erawh mi thinlung hawn sakin kan awm a, nitin a hma aiin kan sang deuh deuh zel a ni. Tun By Election-a Pu John Rotluangliana a tlin chuan chiang takin kum 2028-ah Congress a sorkar leh dawn tih nemnghehna a ni ang a, NLUP changtlung zawk hmangin Mizoram chhungkaw tin huapzo Policy kan rawn kal pui leh ang. Enchhin chaka tuihal enchhintute khan ZPM sorkarin an beisei a phak loh em avangin sorkar an ninzia hi an titi lian ber leh an thunawn a ni tawh. A bikin Aizawl khawpui mipui, sorkar hnathawk te-ah a nasa zual a ni.

Tuna MNF Candidate hi Covid-19 laia Health Minister a ni a. Khatih lai khan a Department chan sum hman dan Audit a ni thut kha tun thlengin Mizoram mipui rilruah zawhna chhan fiah theih loh a la siam reng, tih sawiin Pu Lal Thanzara chuan, MNF leh ZPM Party-te hian an Candidate tling se an duh lo, Campaign pawhin an chhuak peih lova, an kal chhunah an Candidate te miin an nuihzat theihna tur pawi an sawi sak, a ti. 

Lal Thanzara chuan, Congress ni lo party dang an sorkar apiangin Mizoramin manganna leh buaina leh harsatna kan tawk thin tih sawiin, MNF an lo lang a, Mizoram a buai a. Congress kan sorkar a, Mizoramin remna leh muanna kan nei. MNF an sorkar leh a, mau a tam a. Congress kan sorkar a, Mizoramin nasa takin hmasawnna kawng a zawh a. Tuna Mizoramin ram rotling kan neih zawng zawng hi kan neih belh a. Mizoramah thlarau hlimna nasa takin a thleng. Chumi hnuah MNF an sorkar veleh a, Hripui a leng a. ZPM an rawn lang ve leh a, Mizoramah nasa takin chhiat tawhna, rukruk, tualthah, damdawi tawlh, in suam, in rawk, ruangchhar leh chhiatna hrang hrang a thleng a. Thangthar ten ka ram tia an sawi tur awm hlek lovin kan pi leh puten thisena an lei Mizoram chu BJP kutah an hralh a; MNF leh ZPM hi Mizoram tan mangchhia an ni. John Rotluangliana hi tuna Dampa bial MLA tana Congress Candidate a ni satliah lo, amah hi Mizoram mipuiin harsatna a tawh tam tak sutkianna tura chunglamin kailawn min dawh sakna a ni, a ti bawk. 

MPCC Vice President leh Congress Candidate John Rotluangliana chuan tun By Election-ah Congress Party in Zero atangin Hero-ah Pathianin min hruai kai ta. Kum 40 zet Politics huangah ka awm tawh. Ka hnena lo kal vang vanga Membership fee min pe hi ka la hre lo. Mahse tunah chuan Opposition ni chungin min rawn pan ta. Congress hi Mizoramin a mamawh zia a nemnghet a ni, a ti.  

Khawiah pawh Office leh bazar ah te, Lirtheiah te Congress sorkar nghakhlelin min ko, kum 2028 hi an nghak thei tawh lo, Dampa bial atang hian Congress sorkar thar hmel kan lantir dawn a, ZPM sorkar thiltih dan duh lohna hi Dampa bial mipuiin Vote hmangin an Protest dawn a ni, a ti. 

Ram hruaina hi tawngkam thiamah a ni lo. Ni chu ni, ni lo chu ni lo, a ni tur a ni tih sawiin, Kum 2028 ah NLUP changtlung zawk kan kalpui dawn. Mizoram a hlim ang a, mipui thla a muang leh ang, a ti bawk. 

MPCC Vice President C Ngunlianchunga MLA chuan Kan candidate avangin Dampa bial bakah Mizoram pumah Congress Party-ah Mizoram mipui harhtharna a thleng a, khawtinah hma nasa takin kan sawn a ni. Dampa bial-ah hian a tir lamah khan MNF an vung hluai a, a zuih zawngin an kal mek, Congress erawh nitin hmasawn zawngin kan kal zel a, khaw tinah kum 2023 inthlan a kan vote hmuh let kan nei vek tawh. John Rotluangliana hi a tling ngei dawn tih mipuiin an hmu mek, a ti. 

C Ngunlianchunga chuan ZPM thlipui tleh pawhin a chhem kan zawh loh hian tun By Election-ah hian awmzia a nei tawh dawn lo. Awmhmun thlak dun dun Candidate-te phei chu Dampa bial mipui ten MLA atan an ring zo lo, Congress party hi mirethei leh harsa zawkte hnen thleng phak tak tak awm chhun kan ni a, kan sorkar hunah pawh a aia changtlung zawk in an tan ke kan pen leh dawn, a ti bawk. 

MPCC Adviser Zodintluanga Ralte Ex-Minister pawhin thusawiin, ZPM party mi leh sa tam zawk ZPM tih lam rik ringawt pawha an hmela beidawnna hmuh theiha awm chu an lainatawm hle tih sawiin, ZPM laka beisei chhete an la neih avanga la in ham tang hram hram te pawh beidawnna thlanin a bual mek a ni, a ti a. Mizoram mipui za-a 90 leh an party pawhin a ni em hi chu MLA lo hram se an tih ruk ngawih ngawih Candidate atana chhawpchhuaktu party te hian Mizoram hi an hmangaih tak tak lo, a ti. 

BJP te hi engtikah mah Mizoram-ah hian an sorkar dawn lo. MNF Candidate pawh minority-a la MLA ngai lo a ni a, in tan MLA hrawn nuam a ni dawn lo. John Rotluangliana bulah erawh Dampa bial mipui an dam ang, a ti bawk.

MPCC/Media/PR-2025/102

Dated: Mamit the 30th October, 2025

PRESS RELEASE

"...Dampa bialah Congress Party pung zel; Congress Party-ah mipuiin rinna an nghat mek zel..." - Lal Thanzara, President MPCC

Ni 30.10.2025 (Ningani) hian Dampa bial chhung khaw hrang hrang fang mek MPCC President Pu Lal Thanzara, Pu John Rotluangliana, Vice President MPCC & Congress Candidate, Pu C. Ngunlianchunga MLA, Pu Zodintluanga, Adviser MPCC & Ex-Minister, Pu Nihara Kanti Chakma, Ex-Minister te chuan Marpara, Pukzing Vengthar, Lenbuang (Bekabekya), Hnahva leh Silsury te tlawhin Congress Party zawmtu mithar 159 an lawmlut. 

He huna thusawitu MPCC President Pu Lal Thanzara chuan, MNF leh ZPM te'n an tlin lohin hla key an la a, an uai thla leh tawh a. Congress erawh mi thinlung hawn sakin kan awm a, nitin a hma aiin kan sang deuh deuh zel a ni. Tun By Election-a Pu John Rotluangliana a tlin chuan chiang takin kum 2028-ah Congress a sorkar leh dawn tih nemnghehna a ni ang a, NLUP changtlung zawk hmangin Mizoram chhungkaw tin huapzo Policy kan rawn kal pui leh ang. Enchhin chaka tuihal enchhintute khan ZPM sorkarin an beisei a phak loh em avangin sorkar an ninzia hi an titi lian ber leh an thunawn a ni tawh. A bikin Aizawl khawpui mipui, sorkar hnathawk te-ah a nasa zual a ni.

Tuna MNF Candidate hi Covid-19 laia Health Minister a ni a. Khatih lai khan a Department chan sum hman dan Audit a ni thut kha tun thlengin Mizoram mipui rilruah zawhna chhan fiah theih loh a la siam reng, tih sawiin Pu Lal Thanzara chuan, MNF leh ZPM Party-te hian an Candidate tling se an duh lo, Campaign pawhin an chhuak peih lova, an kal chhunah an Candidate te miin an nuihzat theihna tur pawi an sawi sak, a ti. 

Pu Lal Thanzara chuan, Congress ni lo party dang an sorkar apiangin Mizoramin manganna leh buaina leh harsatna kan tawk thin tih sawiin, MNF an lo lang a, Mizoram a buai a. Congress kan sorkar a, Mizoramin remna leh muanna kan nei. MNF an sorkar leh a, mau a tam a. Congress kan sorkar a, Mizoramin nasa takin hmasawnna kawng a zawh a. Tuna Mizoramin ram rotling kan neih zawng zawng hi kan neih belh a. Mizoramah thlarau hlimna nasa takin a thleng. Chumi hnuah MNF an sorkar veleh a, Hripui a leng a. ZPM an rawn lang ve leh a, Mizoramah nasa takin chhiat tawhna, rukruk, tualthah, damdawi tawlh, in suam, in rawk, ruangchhar leh chhiatna hrang hrang a thleng a. Thangthar ten ka ram tia an sawi tur awm hlek lovin kan pi leh puten thisena an lei Mizoram chu BJP kutah an hralh a; MNF leh ZPM hi Mizoram tan mangchhia an ni. Pu John Rotluangliana hi tuna Dampa bial MLA tana Congress Candidate a ni satliah lo, amah hi Mizoram mipuiin harsatna a tawh tam tak sutkianna tura chunglamin kailawn min dawh sakna a ni, a ti bawk. 

Pu John Rotluangliana Vice President MPCC leh Congress Candidate chuan tun By Election-ah Congress Party in Zero atangin Hero-ah Pathianin min hruai kai ta. Kum 40 zet Politics huangah ka awm tawh. Ka hnena lo kal vang vanga Membership fee min pe hi ka la hre lo. Mahse tunah chuan Opposition ni chungin min rawn pan ta. Congress hi Mizoramin a mamawh zia a nemnghet a ni, a ti.  

Khawiah pawh Office leh bazar ah te, Lirtheiah te Congress sorkar nghakhlelin min ko, kum 2028 hi an nghak thei tawh lo, Dampa bial atang hian Congress sorkar thar hmel kan lantir dawn a, ZPM sorkar thiltih dan duh lohna hi Dampa bial mipuiin Vote hmangin an Protest dawn a ni, a ti. 

Ram hruaina hi tawngkam thiamah a ni lo. Ni chu ni, ni lo chu ni lo, a ni tur a ni tih sawiin, Kum 2028 ah NLUP changtlung zawk kan kalpui dawn. Mizoram a hlim ang a, mipui thla a muang leh ang, a ti bawk. 

MPCC Vice President Pu C. Ngunlianchunga MLA chuan Kan candidate avangin Dampa bial bakah Mizoram pumah Congress Party-ah Mizoram mipui harhtharna a thleng a, khawtinah hma nasa takin kan sawn a ni. Dampa bial-ah hian a tir lamah khan MNF an vung hluai a, a zuih zawngin an kal mek, Congress erawh nitin hmasawn zawngin kan kal zel a, khaw tinah kum 2023 inthlan a kan vote hmuh let kan nei vek tawh. Pu John Rotluangliana hi a tling ngei dawn tih mipuiin an hmu mek, a ti. 

Pu C. Ngunlianchunga chuan ZPM thlipui tleh pawhin a chhem kan zawh loh hian tun By Election-ah hian awmzia a nei tawh dawn lo. Awmhmun thlak dun dun Candidate-te phei chu Dampa bial mipui ten MLA atan an ring zo lo, Congress party hi mirethei leh harsa zawkte hnen thleng phak tak tak awm chhun kan ni a, kan sorkar hunah pawh a aia changtlung zawk in an tan ke kan pen leh dawn, a ti bawk. 

MPCC Adviser Pu Zodintluanga Ralte Ex-Minister pawhin thusawiin, ZPM party mi leh sa tam zawk ZPM tih lam rik ringawt pawha an hmela beidawnna hmuh theiha awm chu an lainatawm hle tih sawiin, ZPM laka beisei chhete an la neih avanga la in ham tang hram hram te pawh beidawnna thlanin a bual mek a ni, a ti a. Mizoram mipui za-a 90 leh an party pawhin a ni em hi chu MLA lo hram se an tih ruk ngawih ngawih Candidate atana chhawpchhuaktu party te hian Mizoram hi an hmangaih tak tak lo, a ti. 

BJP te hi engtikah mah Mizoram-ah hian an sorkar dawn lo. MNF Candidate pawh minority-a la MLA ngai lo a ni a, in tan MLA hrawn nuam a ni dawn lo. Pu John Rotluangliana bulah erawh Dampa bial mipui an dam ang, a ti bawk.

            Sd/-

(PETER VANLALROPUIA)

MPCC Media Department