PM lo zin dawn avangin Drone khuahkhirh, Sept 13-ah kawngpui dang dawn!

Aizawl | September 4, 2025: Prime Minister Narendra Modi chuan Sept 13 hian Sairang - Bairabi Railway Line Project chu Lammual atangin a hawng dawn a, hemi avang hian, vawiin khan Aizawl DC-in Drone khuahkhirhna a chhuah a, Sr. SP Traffic-in kawngpui dan tur avanga mipui inhmakhua turin ngenna a siam bawk.

@ Meta AI

Aizawl Bawrhsap Er. Lalhriatpuia, IAS chuan, Aizawl District huamchhungah Remote Control hmang Drone/ Aerial Camera emaw hetiang lam chi reng reng, he thupek chhuah a nih atanga ni 15.9.2025 thleng, mi tumah in an hmang / thlawh tir tur a ni lo" a ti.

Sr. SP Traffic pawhin, "VVIP chet velnaah harsatna a thlen loh nan VVIP route: Falkland peng atanga Bawngkawn - Chanmari - Treasury Square - Sikulpuikawn hi darkar 2 - 3 lai khar pawh ngai thei a ni a, mipui kea kal leh lirtheia veivakten hun kan sen thlawn loh nan lo inhmakhua a, pumpelh dan kawng zawng turin kan inhriattirin kan inngen a ni. VVIP programme neih chhung hỉ chuan mipui lam pawh lirtheia veivak tam lo turin kan inngen bawk," a ti a.

"Thuampui leh Sikulpuikawn inkar kawngpui dungah lirthei, bungrua leh thil dang engmah dah phal a ni lo," tiin thuchhuah a siam bawk.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]