"Mizoram Assembly-ah FCAA 2023 a pawm ta mai hi a pawi kan ti," - Conservation Mizoram

Aizawl | Sept 10, 2025: Conservation Mizoram chuan vawiin khan thuchhuah siamin, 9th Mizoram Legislative Assembly 5th Session chuan resolution siam meuha Forest Conservation Amendment Act 2023 a pawm ta mai hi a pawi an ti a, he a pawmna thu hi sut leh ngei turin ram roreltu - mipui aiawha thlan tlinte an ngen.

Conservation Mizoram chuan, "FCAA 2023 hian ramngaw hrilhfiahna leh a humhalhna chungchanga dan awmsa a tihdanglam danah kan ram chhunga chengte tana himlo nasa tak a awm nia kan hriat avangin he dan siamthar hi kan rama hman ve a himlo kan ti a, kan ram chhunga hman anih lohna tura hma la ngei turin kan ram hruaitu te kan ngenin kan phut tlat a ni," an ti a.

"He dan siam danglam hian tlangmi kan nihna a kan ram neihdan kalphung te a ti himlova, kan dikna chanvo tam tak kan chan thei dawn niin a lang a. Ramngaw leh a chhunga chengte humhalh leh venhim chungchangah pawh tun aia nghawng thalo zawk nei thei tur nia a lan avang te, nungchate leh an chenna hmun hlu tak tak- kan ‘community forest’ leh kan hnam kalphung te humhim a nih zel theih nan he dan hi Mizorama hman a nih ve lohna tura thawkho zel turin mitin te kan sawm bawk a ni," tiin Conservation Mizoram chuan thuchhuah chuan a tarlang bawk.

CONSERVATION MIZORAM

PRESS STATEMENT

9th Mizoram Legislative Assembly 5th Session chuan resolution siam meuha Forest Conservation Amendment Act 2023 a pawm ta mai hi a pawi kan ti a, he a pawmna thu hi sut leh ngei turin kan ram roreltu- mipui aiawha thlan tlinte kan ngen che u a ni.

FCAA 2023 hian ramngaw hrilhfiahna leh a humhalhna chungchanga dan awmsa a tihdanglam danah kan ram chhunga chengte tana himlo nasa tak a awm nia kan hriat avangin he dan siamthar hi kan rama hman ve a himlo kan ti a, kan ram chhunga hman anih lohna tura hma la ngei turin kan ram hruaitu te kan ngenin kan phut tlat a ni.

He dan siam danglam hian tlangmi kan nihna a kan ram neihdan kalphung te a ti himlova, kan dikna chanvo tam tak kan chan thei dawn niin a lang a. Ramngaw leh a chhunga chengte humhalh leh venhim chungchangah pawh tun aia nghawng thalo zawk nei thei tur nia a lan avang te, nungchate leh an chenna hmun hlu tak tak- kan ‘community forest’ leh kan hnam kalphung te humhim a nih zel theih nan he dan hi Mizorama hman a nih ve lohna tura thawkho zel turin mitin te kan sawm bawk a ni.