Mizoram 6 Red Snooker Championship 2025 - 2026 -ah Lalrina Renthlei a champ!

Aizawl | Sept 13, 2025: Mizoram Snooker & Billiards Association (MSBA) buatsaih Mizoram 6 Red Snooker Championship 2025 - 2026 khelh mek chu zanin khan final khelin a hmawr bawk a ni a, Lalrina Renthlei, Tuikhuahtlang a champ!

Final hi Lalrina Renthlei, Tuikhuahtlang leh Lalsangzela Khatla South ten tlaid ar 5:30 atang khan an khel a, 6 - 3 a chakin Lalrina a champion ta a ni.

Mizoram Snooker Ranking-a No 1 Lalrina Renthlei leh No 2 lalsangzela inhmachhawn hi a boruak nep lo hle a, Cue sport ngainatute ngaihven a hlawh hle a ni.

Lalrina'n Frame 1na leh frame 2na 28 - 26 leh 45 - 24 in a la zawn a, frame 3naah 14 - 51 in Zela a chak a, Rina'n Frame 4na 42 - 7 a la lehin, Zela'n Frame 5na leh 6na 31 - 32 leh 18 - 42 in a la leh a, hemi hnu hi chuan Lalrina'n a tha a thlah tawh lova frame 7na atanga frame 9na thleng hi 37 - 22, 42 - 26 leh 43 - 22 in a la vek a, chak zawkah a tang ta a ni.

Nizan, Sep 12 zana Semi final match hmasa zawk, Zan dar 6:30 a khelah No. 1 nilai Lalrina Renthlei leh No 4 ni lai PB Liansangzuala, Dawrpui te an inhmachhawn a, 6 - 3 Lalrina Renthlei a chak a, final a lut.

Match hnuhnung zawkah Mizoram Snooker no 2 nilai, Lalsangzela leh No 3 nilai Zonuntluanga, Electric Veng te an inhmachhawn a, 6 - 1 in Lalsangzela a chak a, final a lut.

Sept 11 zana Quarter Finals khelhah Lalsangzela leh no. 10 Lalzawngkima inhmachhawnin, 5 - 4 in zela a chak a, semi final a lut.

# K Lallawmkima (6) leh Zonuntluanga (3) inhmachhawnin, Zonuntluanga'n 5 - 3 in hnehna a chang a, semi final a lut.

# Lalrina Renthlei (1) leh Lalbiaksanga (9) inkhel-ah Lalrina'n 5 - 0 a chakin Semi final a lut a.

# Samson Lalnuntluanga (5) leh PB Liansangzuala (4) te inkhel lehin, 5 - 2 in PB Liansangzuala a chak a, semi final a lut.

Mizoram State Sports Council (MSSC) sponsor Mizoram 6 Red Snooker Championship 2025 - 2026 ah hian player 39 an tel a, MSBA Hall, Hawla Indoor Stadium, Republic Vengthlangah khelh niin, Quarter final hma zawng hi race to 4 a khelh niin, Quarter final hi race to 5 a khelh niin, semi final hi race to 6 a khelh a ni a, Final pawh hi Race to 6 a khelh tur a ni.

Mizoram 6 Red Snooker Championship 2025 - 2026 rual hian, Mizoram Snooker & Billiards Association (MSBA) buatsaihin nimin leh vawiin khan chhun lamah Sneaker Plug Novice Mizoram 9 Ball Pool Championship 2025 khelh a ni a. player 65 an tel a, knockout a khelh niin, final-ah Samuel Lalhruaizela, Seling leh C Lalramluahsanga, Sihphir te an inhmachhawn a, 4 - 2 a chakin Samuel Lalhruaizela a champion a ni.

Final Score:

Lalrina Renthlei 6 - 3 Lalsangzela:

# 28 - 26, 45 - 24, (14 - 51), 42 - 7, (31 - 32), (18 - 42), 37 - 22, 42 - 26, 43 - 22,

Semi Final Results:

6:30 PM: Lalrina Renthlei 6 - 3 PB Liansangzuala: 26 - 35, 36 - 2, 46 - 14, 42 - 2, 26 - 47, 19 - 32, 45 - 17, 44 - 11, 57 - 8,

8:30 PM: Lalsangzela 6 - 1 Zonuntluanga: 39 - 16, 15 - 43, 39 - 12, 40 - 18, 33 - 25, 32 - 23, 41 - 28,

Quarter Final Result:

1. Lalsangzela 5 vs 4 Lalzawngkima: 32 - 43, 43 - 44, 21 - 29, 49 - 25, 41 - 4, 26 - 33, 34 - 17, 57 - 6, 33 - 17.

2. Zonuntluanga 5 vs 3 K Lallawmkima: 1 - 38, 45 - 18, 1 - 32, 18 - 29, 36 - 16, 29 - 27, 46 - 32, 42 - 24,

3. Lalrina Renthlei 5 vs 0 Lalbiaksanga: 39 - 18, 39 - 18, 35 - 29, 53 - 12, 51 - 5.

4. PB Liansangzuala 5 vs 2 Samson Lalnuntluanga: 28 - 18, 38 - 30, 32 - 33, 46 - 10, 26 - 38, 33 - 25, 48 - 0.