Mizo film thar, '6:11' en theihin chhawpchhuah a ni ta!

Aizawl | Sept 1, 2025: Thingtlang Tlangval leh Lalpa a tha tih siam tawh tu MSpace Production chuan an movie thar '6:11' chu an ti chhuak leh ta. August 29 zan khan Hyve City Hall-ah Mizo Film Award-a Best screen writer award lo dawng tawhtu Malsawma Lailung in tlangzarhin Lersia Play-ah en theihin dah a ni.

Tunlai hian Film chhuak thar a tam hle a, hmuh pawh a hmuhnawm hlawm tawh viau. 6:11 hi kristian film ni siin tunlai chhungkaw tam tak te buaina ruk a rawn lai lang a. Hetiang boruak hi kan chim tawh ni mahse mipui en tur a chhawp hi kan zo ang em? tih pawh zawhna awm thei a ni.

Neih inang film tia sawi mai, '6:11' hi Drama, Romance huangah dah a ni a, darkar 1 leh Minute 31 a rei / sei a ni a, en khamawm loh tawk chiaha rei a ni. He film-ah hian tunlai Mizo Film huangah chuan boruak nei sang tak- Vanlallawmawmi, Eddie Tochhawng, Puipuia Pachuau, Lucy Pachuau, Angaihi, Msa Chinzah, leh Hmai Varte te an inlan dawn a ni.

6:11 director hi Malsawma Fanai niin, Script hi HMI ziah a ni a, Director of Photography hi Thara Khawlhring niin, Assistant Director-ah Rochhara a ni a, Sound hi Rinngheta kutchhuak a ni bawk.

He film thawnthu hi thawnthu dangdai tak, tunlai film industry a sawi zui hat tur a ni a. A nun kawng bumboh laiin a ngaihzawng atan a anpui a kawp a, a pa hre hman lo khan a pa chu a hmu ve ta, mahse, a beisei ang reng rengin engmah a thleng lo. Engtin zel????