"Kan hnu fualna lai tak hi kan chhawr tangkai a, kan hman thiam a tul," - Dr Thangtea

Aizawl | Sept 17, 2025: Dampa bial by-election MNF official candidate Dr R Lalthangliana chuan vawiin khan  W Lungdar leh Khawrihnimah te hun a hmang a,"Kan hnu fualna lai tak hi kan chhawr tangkai a, kan hman thiam a tul," a ti.

Dr R Lalthangliana chuan Pu Lalrintluanga Sailo-in a bial a hmangaih dan leh bial hmasawnna tura a thawhrimna te, a phak ang tawka bial mipui tan a rilru, tha leh zung, ngaihtuahna a sen dan zawng zawngte a hriatpui thu a sawi a. Pu Rintluanga kha unau ang chiaha an inen thu leh chhungkua ang maia an khawsak thin thute sawiin; Pu Rintluanga hmabakte chhunzawm a, tih tur tam tak la awmte tih chhunzawm zel chu a ko-ah a innghat tih sawiin, chumi ti thei tur chuan Dampa bial mipui zawng zawngte khawngaih vote a dil a ni.

India ramah District hnu fual bik Aspirational District (District khaichhuah ngai bik) 100 chuang zet zingah Mamit District hi kan tel ve hlauh a, hei hi thil zahthlak lam ni lovin, theihtawpa tan kan lak leh hmalakna tur a tamna lai a kawk zawk a ni. Kan hnu fualna lai tak hi kan chhawr tangkai a, kan hman thiam a tul zawk a, thuneihna pek kan nih chuan tih tur a tam hle dawn a ni, Dr R Lalthangliana chuan a ti.

Tukin zing khan Former Health Minister Dr Thangtea chuan Reiek PHC building a hun laia felfai taka sak zawh leh hman zui nghal chu a tlawh bawk.

Mizo National Front

General Headquarters

Aizawl : Mizoram

Press Release

KAN HNU FUALNA LAI TAK HI KAN CHHAWR TANGKAI A, KAN HMAN THIAM A TUL - MNF Senior Vice President

Vawiin September ni 17, 2025 (Nilaini) hian Dampa bial by-election MNF official candidate Dr.R.Lalthangliana chuan W.Lungdar leh Khawrihnimah te hun a hmang.

Dr.R.Lalthangliana chuan Pu Lalrintluanga Sailo-in a bial a hmangaih dan leh bial hmasawnna tura a thawhrimna te, a phak ang tawka bial mipui tan a rilru, tha leh zung, ngaihtuahna a sen dan zawng zawngte a hriatpui thu a sawi a. Pu Rintluanga kha unau ang chiaha an inen thu leh chhungkua ang maia an khawsak thin thute sawiin; Pu Rintluanga hmabakte chhunzawm a, tih tur tam tak la awmte tih chhunzawm zel chu a ko-ah a innghat tih sawiin, chumi ti thei tur chuan Dampa bial mipui zawng zawngte khawngaih vote a dil a ni.

India ramah District hnu fual bik Aspirational District (District khaichhuah ngai bik) 100 chuang zet zingah Mamit District hi kan tel ve hlauh a, hei hi thil zahthlak lam ni lovin, theihtawpa tan kan lak leh hmalakna tur a tamna lai a kawk zawk a ni. Kan hnu fualna lai tak hi kan chhawr tangkai a, kan hman thiam a tul zawk a, thuneihna pek kan nih chuan tih tur a tam hle dawn a ni, Dr.R.Lalthangliana chuan a ti.

Tukin zing khan Former Health Minister Dr.Thangtea chuan Reiek PHC building a hun laia felfai taka sak zawh leh hman zui nghal chu a tlawh bawk.

Sd/-

(R LALHMANGAIHA)

Secretary

Media & Publicity Deptt

Mizo National Front

Memo No.326/2025

Dt.17.09.2025