AMCECC an nuar chhunzawm; Naktukah Sorkar thu ngaichang tura kalkhawm an tum!

Aizawl | Sept 17, 2025: Vau behna hrang hrang karah CSS hnuaia thawk intelkhawm pawl - All Mizoram CSS Employee Coordination Committee (AMCECC) te chuan vawiin khan Mizoram hmun hrang hrangah sorkar laka an thil phut tihhlawhtlin ngiatin an nuar chhunzawm zel.

Member sing khat leh sang thum chuang awmna AMCECC te hi nimina Vaivakawna an punkhawm hnu-ah, nimina an thuchhuahin a tarlang angin, tiamchin awm lova nawrh an tum a ni.

AMCECC te hi Naktuk hian Sorkar thu ngaichang turin punkhawm an tum! Aizawl khawpui chhunga an memberte chu kal khawm turin an inngen.

AMCECC INFORMATION

17.9.2025

AMCECC chuan sorkar laka kan lungawi lohna kan lan tir mek ah sorkar nen indawrna mumal tak tun thlengin kan la neilo a, memberte tanrualna leh inpekna avangin lawmthu kan sawi mawlh mawlh e. Memberte chungah engpawh thleng se theihtawpin AMCECC chuan hma a la zel dawn a ni.

Sept 18, 2025 (Ningani) hian Chief Minister hovin Official lamin meeting an nei dawn niin report kan dawng a, kan duh ang ngeia thu an rel theihna turin Member zawng zawngte tawngtaina a hre tur in kan in ngen a. Sorkar thuchhuak ngaichang turin AMCECC member zawng zawngte Aizawl City area a awm te chu a hnuaia hun leh hmun ruatah hian kalkhawm tur a ni.

A hun : 18th September, 2025 (Ningani) Dar 11:00 am

A hmun : Youth Recreation Centre (YRC), Falkland

Hruaitu : Pu R. Lalnunhlima, Sr. Vice Chairman

Report : Pu Vanlalpeka, Gen. Secretary

Sub Headquarters lam pawh ruahmanna siam a, pun khawm lo huaihawt vek turin kan inhriattir a ni.

AMCECC Gen Hqrs

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]