AMCECC member sang chuang pungkhawm, sorkarin attendance record thehlut turin ti!

Aizawl | Sept 16, 2025: All Mizoram CSS Employees Coordination Committee (AMCECC) chuan vawiin khan Aizawl West Joint YMA Field Vaivakawn-ah sorkar laka an thil ngiatte tihhlawhtlin phutna kal zelah 'Sit In Protest' an nei a, an meber sang khat chuang an pungkhawm.

Vawiina Aizawla pungkhawmte bakah hian, District Headquarter, Sub Divisional headquarters leh khaw lian hrang hrangah an member thahnem takin an zawm ve bawk.

AMCECC memberte hi Health leh Education chu an tam zualna a ni a, hemi bakah hian department hrang hrangah a sang tel fe an awm a, Mizoram pumah mi 14000 bawr vel an awm nia hriat a ni.

Hetihlai hian, Mizoram sorkar hnuaia General Administration Department (GAD) chuan vawiin khan Administrative Department-te hnenah lehkha thawnin, vawiinah Mizoram Sawrkar hnuaia CSS hnuaia thawkte'n sit-in-demonstration an huaihawt thu tarlangin, 'Sawrkar ruahmanna siam kalh zawnga hmalaknaah CSS hnuaia tahwkte hi tel lo tura tih an ni,' an ti.

Hetiang a nih avang hian GAD chuan Administrative Department-te chu an hnuaia CSS employee-te vawiina an attendance record tlai dar 4 hma ngeiin, a tul anga