AMCECC mass casual leave vangin zirna in 500 chuangah zirtirna kalpui thei lo, damdawi in thahnem tak khar

Aizawl | Sept 9, 2025: All Mizoram CSS Employee Coordination Committee (AMCECC) chuan aan ruahman lawk angin vawiin atangin sorkar laka lungawilohna lantirin mass casual leave an la tan a. AMCECC mass casual leave vangin zirna in 500 chuangah zirtirna kalpui thei lo a, damdawi in thahnem tak khar a ni bawk.

Report kan dawn chinah Mizorama Sorkar Damdawi in hmun hrang hranga CSS hnuaia thawkte an chawlh avangin damlo enkawl kawngah harsatna nasa tak a thleng a. PHC / UPHC leh Sub Centre eng emaw zat khar a ni. Hei bakah hian zirna lama thawktu tam zawk an chawlh avangin School 500 chuangah zirna kalpui theih a nilo a. DEO leh DPC office tam zawk pawhin hna an thawk mumal thei lo bawk.

AMCECC Logo

Development Works khawihtu Department hrang hrang - RD& AD, UD& PA, Agriculture, Horticulture etc hnuaia CSS staff te an nawrh tel avangin heng ni 100 inhlawhna, Self help group kaihhnawih, Digital Crop survey, in sak tanpuina etc te kalpui theih a ni lo a. Social Welfare hnuaiah Women & Child Development a hna kal mek a chawl vek bawk.

AMCECC hruaitute hnen atanga thu kan dawn danin "Regularisation of CSS Employees Scheme, 2024" hi a taka an hman thuai theih nan leh siamrem ngaite siamrem sak turin an phut tlat a ni. He Scheme hi AMCECC Affiliated Association leh member ni lo ten hman ve an remti lo a. AMCECC hmalakna zawmlo ten he scheme hi hman tumlo turin an hriattir a. Hman luih tum anlo awm anih pawhin a tawp thlengin AMCECC in a do dal ang.

All Mizoram CSS Employee Coordination Committee

(AMCECC)

Press Note

9.9.2025

Mass Casual Leave(MCL) chungchang.

AMCECC chuan an ruahman lawk angin vawiin Ni 9.9.2025 atangin sorkar laka lungawilohna lantirin MCL an la tan ta a.

Report kan dawn chinah Mizorama Sorkar Damdawi in hmun hrang hranga CSS hnuaia thawkte an chawlh avangin damlo enkawl kawngah harsatna nasa tak a thleng a. PHC/ UPHC leh Sub Centre engemawzat khar a ni. Hei bakah hian zirna lama thawktu tam zawk an chawlh avangin School 500 chuangah zirna kalpui theih a nilo a. DEO leh DPC office tam zawk pawhin hna an thawk mumal thei lo bawk.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]