Zanina intihsiakte atangin Mizo Talent top 3 thlang dawn; Grand Finale-ah Youth Icon Top 10 te inlan dawn!

Aizawl | August 28, 2025: LPS Vision Production buatsaih 'Mahindra XUV 3XO Mizo Talent' chu zaninah chhunzawm leh a ni dawn a, zanina intihsiakte atangin top 3 thlan chhuah a ni dawn a; a hmawrbawkna Grand Finale a pui dawn, Youth Icon top 10 te an inlan dawn bawk.

TV Reality show ngaihhlut hlawh tak Mizo Talent intihsiakna sang chu zaninah neih chhunzawm leh a ni dawn a, August ni 23,2025 zana intihsiakna hmachhawntu mi 9 te atangin a tha zual thlan chhuahte hming puan chhuah leh a ni anga, intihsiakna an nei chhunzawm anga, chung mite atang chuan top 3 thlan chhuah a ni tawh dawn.

August ni 30 zanah a hmawrbawkna neih a ni dawn a, show tan tirhah top 3-a tlingte puang chhuakin intihsiakna an nei chhunzawm dawn a. Hemi hnuah entertainment hun hman a ni anga, Youth Icon 2024 top 10 te an zai anga, hemi zan vek hian Mizo Talent-a pakhatna hriat a ni tawh dawn a ni.

Mizo Talent intihsiakna neihna hmun LPS Arena, Falkland-ah mipui tan a chhim theih reng a, ticket pakhat chu Rs. 50 a ni. Thudawn danin, intihsiakna a san chhoh zel angin contestant te che a hmuhnawm chho zel a, a hmuna en tu pawh an pung zel a, thutna tha chang tur chuan kal hma a fuh chho tan.

Tarlan tawh thin angin, 'Mahindra XUV 3XO Mizo Talent' intihsiakna hi LPS 1 ah Live in pek chhuah a ni a, LPS youtube channel-a member ni tan Live in a en theih bawk a ni.