MTOA leh MTDA in Sairang - Kawnpui kawng an tlawh, an duhthu a la sam lo; "A ruak leh load hi hetia indang bur bur lo hian a kal theih tawh niin ka hria,"

"Khamrang leh Kawnpui inkar hi rin aiin duhthu a la sam lo ang reng," - MTOA President

"A ruak leh load hi hetia indang bur bur lo hian a tihdan chu awm thei tawh se, tih chu kan duh khawp mai, hetia indang bur bur lo hian a kal theih tawh niin ka hria," - MTDA President

Aizawl | August 29, 2025: Mizoram Truck Owners' Association (MTOA) leh Mizoram Truck Drivers' Association (MTDA) hruaitu mi pariatte chuan vawiin khan Sairang - Kawnpui kawng chhia siam mek an tlawh a, an duhthu a la sam lo hle niin an sawi a. Mizoram Truck Drivers' Association (MTDA) President H Laldingliana chuan, "A ruak leh load hi hetia indang bur bur lo hian a tihdan chu awm thei tawh se, tih chu kan duh khawp mai, hetia indang bur bur lo hian a kal theih tawh niin ka hria," a ti.

Mizoram Truck Owners' Association (MTOA) President B Lalzarzova chuan, "Khamrang leh Kawnpui inkar hi rin aiin duhthu a la sam lo ang reng," a ti a. " favang ruahte September-ah te hian la sur leh vak thei a ni a, hengah te pawh chhe leh zual kan hmachhawn loh nan theihtawp chhuauhin hma min laksak zel se la, tih chu kan duhthusam a ni," a ti bawk.

MTOA President chuan, Sairang leh Khanrang inkar chu a lo zia viau a, hna pawh an thawk a, hmun hnih khatah inpelh theih loh deuh a la awm tih loh chu a tha viuau a, amaherawh chu, Khamrang leh Kawnpui inkar hi rin aiin duhthu a la sam lo ang reng a, amaherawh chu, kan lawmna pakhat chu a hma ai chuan a lo zia awm a, motor tlana tluk emaw han chetsual hlauhawm a awm lova, duhthu erawh a la sam lo hle. Kan sorkar te, hnathawktute pawhin theihtawp an chhuah tih chu a hriat a, an chungah kan lawm a, amaherawh chu, favang ruahte September-ah te hian la sur leh vak thei a ni a, hengah te pawh chhe leh zual kan hmachhawn loh nan theihtawp chhuauhin hma min laksak zel se la, tih chu kan duhthusam a ni.

Mizoram Truck Drivers' Association (MTDA) President H Laldingliana chuan, "A ruak leh load hi hetia indang bur bur lo hian a tihdan chu awm thei tawh se, tih chu ka duh khawp mai, hetia indang bur bur lo hian a kal theih tawh niin ka hria," a ti a.

MTDA President chuan, "tun hnai-ah a ruakah pawh zan thum zan li te an la tang a, han indan em em ngai tawh lovin ka hria a. one Way a kal ngaihna lai lung an dahte hi han nawr sawn se,inpelh theih turin, tunah pawh kan phei a a hla hma deuh nge ni, hnathawk hmel pawh kan hmu mang lo a ni, hitachi pahnih kan hmu a, khulai an lo hai deuh mai kha a nia, hnathawkte hi han tam leh deuh thei se, Hitachi khu chuanin han haifai te a harsat a ni, JCB awm thei se, a chunglang chirh bik hi nawrfai theih a ni a, nawrfai se," a ti a.

"Tun leh tunah khu chuanin, a chhuk a chho hi a tanna lai deuh hlekah duty awm thei se, tun anga indang rum rum lo hian inkalchhawk zeuhin a tih dante hi a awm tawh lo maw? tih chu ka rawn hmuh-a ka rilru-a awm a ni.

MTDA President chuan Rengtekawn leh Bairabi kawng pawh a vei thu sawiin, "tunah chuan helai kawng pawh heti hi a ni a, kan naute zin ho hian helai chu tha tak a ni, Rengtekawn leh Bairabi khu a chhe zawk daih tawh, an ti a, a chhe hle ni turah ka ngai," a ti bawk.

Mizoram Truck Owners' Association (MTOA) atangin President B Lalzarzova, Vice President Madawnga, General Secretary Dina Tlau, ECM pahnih- Lalrawngbawla leh Zoliansanga, Mizoram Truck Drivers' Association (MTDA) atangin President H Laldingliana, General Secretary Lalhmudika Tochhawng leh Joint Secretary Lal Thlana te an kal a ni.

MTOA leh MTDA te hi tukin dar 6:30 vel khan Aizawl an chhuahsan a, kawng chhiat dan a hmunah enin, a tak ngeiin an tawng a, siam that vat an duh thu an sawi a ni.