Mizo movie thar ‘Zamzami Pa’ zanin-ah

Aizawl | August 20, 2025: Osiama Pictures Production kutchhuak, Mizo movie thar ‘Zamzami Pa’ chu zanin hian Vanapa Hall-ah tlangzarh a ni dawn.

He movie hi J&R Business produce niin , Runmawi app co-produce a ni a. Sulhnu nei tha tak Gospela Tlau leh Joe Pachuau te an lo in lan dawna, Hmeichhe naupang hmelthat vanga mi te duh rawn em em Didiki Pachuau a rawn inlan dawn bawk a. Hemi bakah hian, Miss Chapchar Kût 2020 Zonuni Hrahsel pawh a inlan dawn bawk a ni. Naute thla riat mi inlan tur hian, engtin nge a thawnthu rawn phochhuah dawn tih chu mi ngaihven a ni.

He movie hi Runmawi OTT-ah lei theihin a awm dawn a, tlangzarh zan hian a hmunah ticket Rs 100 chauh a lei theih in a awm dawn bawk.

He movie hi Nu tel lo a, Pa in fa a enkawl chhohna a, a thil tawn hrang hrang lam hawi a ni dawn a. Tlangval pahnih khawvel mi ve tak te nun ah chuan, an tawn tur a vawikhat pawh an la suangtuah ngai loh Naute in hmun lai lum a rawn chang a. Vawi khat pawh fa la nei chhin lo kha zan khat thil thu ah pa an ni ta thut mai. An hna pawhin a tawrh phah ngei dawn ni in a lang.. Engtiang tak a nasa in nge harsatna an tawh chhoh a? a tawp ah eng thil in nge lo hmuak dawn? An thawnthu hian thiam takin Nu leh Pa mawhphurna hlut zia a pholang dawn niin thudawnna chuan a sawi.