Kawnpui - Sairang kawng chhe siamin ZPM Thalai an hnatlang; kawng chhe lai siam tura MPWD leh tlawmngai pawlte'n hma an la hi lawmawm kan ti

Aizawl | August 5, 2025: ZPM Thalai General Headquarter's Aizawl te chu vawiin khan Sairang - Kawnpui kawng chhe lai siam turin hnatlangin an chhuak a, Sairang, Khamrang leh Mualkhang a tlawmngai pawl hrang hrang te hnatlangin an chhuak bawk a ni.

Kawnpui to Sairang hi NHIDCL kut a hlan ni tawh mahse a chhe lai siam kawngah MPWD chuan hma a la zui zel a, PWD Minister Vanlalhlana leh MPWD E-in-C H Zoramliana te'n riah chilh meuhvin an vil bawk a ni.

"Helai kawng chhia in Mizoram mipuite tan a harsatna a siam nasat zia hria a MPWD leh Tlawmngai pawl hrang hrangin theih tawp chhuah a kawng an siam lai a a him chin atang a lo thlir ringawt tu nih chu ZPM Thalai chuan thil ni thei ah kan ngai lova, kan theih ang tawk ti ve turin ZPM Thalai President, South Tuipui AC Bialtu ni bawk MLA Jeje Lalpekhlua hovin ZPM Ṭhalai member te hnatlangin kan thawk chhuak ta a ni," tiin thuchhuah siamin an tarlang.

ZPM Thalai tarlan danin, Tun dinhmunah Sairang - Kawnpui inkarah motor tluk theihna tur khawp a khuar chhia a awm tawh lo niin kan hmu a, kan harsatna tawh mek ti zia awm tur a MPWD leh Tlawmngai pawlte ṭhahnem ngaihna ah ZPM Ṭhalai General Headquarter's chuan lawmthu kan sawi bawk a ni," an ti.