Hortoki tlawng-ah hmeichhe ruang chhar - Lalsiamthari ruang a ni tih finfiah!

Aizawl | August 9, 2025: Hortoki kai Tlawng luiah vawiin chhun khan hmeichhe ruang chhar a ni a, a tirin tunge a nih fianfiah ni lo mahse, Lalsiamthari ruang a ni tih finfiah!

thlalak hi remchanna avanga hman mai a ni.

Ruang hi ramkalin a hmu a, lak chhuah a nih hnuah a kuang tur buaipui a ni a. Tunge a nih le hre lo mahse, Sihhmui kaia hmeichhe chesual nen rin zawn an awm a, Ningani liam taa Sihhmui kaia chesual, a ruang zawn mek Lalsiamthari Sailo a ni em tih finfiah turin a chhungte’n Hortoki an kal a, Lalsiamthari ruang ngei a ni tih finfiah a ni tawh.

Thawnthu hlui chu:

Lalsiamthari (33) d/o Zoramchhana Sailo (L), Bawngkawn hi AUgust 7 zan dar 11:30 vel khan Sihhmui kai tlawngah a tla a, zawn a nih hnu-ah vawiin tlai khan, Hortoki kai-ah hmuh a ni ta a ni.

Lalsiamthari hi a thianpa (a hming tarlan loh,) nen Lengpui-ah two wheeler-in an kal a, an haw lam chu Sihhmui kai venbuk bulah an chawl a, an intithiam lova, chu chu a mipa hian a hawsan ta a. Venbuka lo awm ten ei tur pein, zan dar 11:30 vela pawna a chhuak chu a nghenchhan a lo mawih avangin lui / tui-ah a lum lut ta nia sawi a ni.

[Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]