District dangah MPSC exam centre din turin MSU-in an ngen

Aizawl | August 4, 2025: Vawiin chawhnu dar 2:30 khan MSU hruaituten Mizoram Public Service Commission (MPSC) Chairman R Lalramnghaka IAS an hmu a. Mizoram chhung District danga offline exam center din chungchang an sawipui.

MSU hruaitute chuan Ṭhalai hnazawng mek Aizawl pawn lam a chengten, an hna zawnna kawnga sum leh pai an senso te a tlem theih nan Exam Center changtlung tak Mizoram District hrang hranga din turin MPSC Chairman hi an ngen a ni.

MPSC Chairman chuan MSU ngenna chu ṭha atih thu alo sawi a. MPSC Combined exam ṭhenkhat chu District dangah School leh Hall remchang hawha an kalpui mek thu a sawi a. Theihtawpa alo bawhzui tur thuin alo chhang a ni.

MSU hruaitute chuan MPSC hmalakna avanga UPSC Civil Services Examination(CSE) a Mains Exam Mizoram ngeia a theih tawh dawn avangin thawktu zawng zawngte hmalaknaah lawmthu an sawi a. An hmalakna hian Central Service a Mizo Ṭhalaite kan luhna kawngah awlsamna a thlen ngei an beisei takzet thu an hrilh bawk.