BJP bultumin 'Har Ghar Tiranga' campaign pualin 'Two-Wheeler Rally' nei

Aizawl | August 13, 2025: Vawiin 13th August 2025 (Wednesday) khan BJP Mizoram bultumin 'Har Ghar Tiranga' campaign kal zelah 'Two-Wheeler Rally' neih niin, BJP State President Dr K Beichhua MLA-in Rally nei turte vai liamna hun neiin, Sikulpuikawn aṭangin Chanmari kawn ah kualin BJP State Office-ah hun tawpna siam a ni.

Dr K Beichhua MLA chuan, "Har Ghar Tiranga puala hun kan hman hian Two Wheeler Rally kan nei satliah a ni lova, India Ram hmun hrang hranga chengte, Chhim tâwp aṭanga Hmar tâwp thlenga chengte kan inpumkhat zia lantirna a ni tih kan hriat a ngai a ni," a ti.

Dr K Beichhua chuan sawi chhunzawmin, "British laka Zalenna kan hmuh hunlaia tha leh zung thawhtute kha vawiinah chuan kan zingah awm tawh lo mahse, keini la dam ho hi, kan mi hmasate aiawha India ram ropui tak hi enkawl chhunzawm tura awm kan ni tih kan hriat thar a ngai a. Chuvangin, India ram hian hma lam kan pan zel a, kan ram Mizoram ngei pawh hian State dangte ruala hmasawnna kawng kan zawh ve zel theih nan inlungruala hma lam kan pan a ngai a ni," a ti bawk.

"BJP Mizoram chuan BJP Member thenkhat BJP annihna hmang tangkaia Central lama Project leh thil dang tihpui thei anga insawi a, mi bum thin an awm a, chutiang mite chu BJP Mizoram Headquarters chuan kan hriatpui lova, Mizoram mipui te fimkhur turin kan ngen nawn leh a ni e.

Chutianga an bum tawh BJP Office a beidawng taka lo kal an awm thin avangin Mipui te fimkhur tur leh BJP State Office ah zawtfiah hmasa thin tirin kan in ngen a ni e," tiin BJP chuan thuchhuah an siam bawk.